ԱԺ «Հայաստան» խմբակցութեան անդամ Արթուր Ղազինեան յայտարարեց մանդատը վար դնելու մասին: Պատգամաւորը պատճառներուն մասին չէ բարձրաձայնած, սակայն, նշած է, որ անոնք կը կրեն բացառապէս քաղաքական ու մարտավարական բնոյթ:
Արթուր Ղազինեանի լիազօրութիւնները կը դադրեցուին անոր հրաժարականի մասին Ազգային ժողովի նախագահի յայտարարութենէն մէկ շաբաթ անց:
«Հայաստան» դաշինքի ընտրական ցուցակին մէջ յաջորդ թեկնածուն ՀՅԴ անդամ, ՀՅԴ Հայաստանի երիտասարդական միութեան Կեդրոնական վարչութեան նախագահ Արգիշտի Գէորգեանն է, որ դեռ որոշում չունի մանդատը վերցնելու մասին:
«Դեռ չեմ մտածել` մանդատը կը վերցնե՞մ, թէ՞ ոչ: Ես պայքարի մէջ եմ, անկախ նրանից` մանդատով եմ, թէ առանց դրա: Այս պահին էլ մասնակցում եմ «Դիմադրութիւն» շարժման գործողութեան», ըսաւ Արգիշտի Գէորգեանը:
