Պատմական գիտութիւնների թեկնածու, թիւրքագէտ Վարուժան Գեղամեանը Թելեգրամի իր ալիքում գրում է.
«Ձեռքիս տակ եղած հանրային կարծիքի թարմ հարցումները դարձեալ ապացուցում են, որ ՀՀ բնակչութեան ճնչող մեծամասնութիւնը չի սատարում ՀՀ դէ-ֆակտոյ իշխանութեան վարած «խաղաղութեան օրակարգը» Թուրքիայի հետ։
«Ի՞նչ կարծիք ունեք հայ-թուրքական յարաբերութիւնների կարգաւորման վերաբերեալ» հարցին մեր երկրի բնակչութեան մեծամասնութիւնը՝ (շուրջ 60%-ը) պատասխանել է, որ ունի բացասական կարծիք, այսինքն՝ դէմ է այդ փաստացի կապիտուլիացիոն գործընթացին։ Միանշանակ դրական է տրամադրուած ընդամէնը 7%-ը, որն էլ իր հերթին հետեւողական քարոզի արդիւնք է, որ վարւում է օրնիբուն պետական եւ իշխանական ռեսուրսներով։
Ի՞նչ է սա նշանակում։ Սա նշանակում է, որ մեր հանրութիւնը գիտի առկայ խնդիրները, սակայն չի ստանում անհրաժեշտ ազդակներ դիմադրելու համար։ Իսկ ազգային ուժերը պէտք է բաւականաչափ խոհեմութիւն եւ ջանք գործադրէն առկայ դիմադրական պոտենցիալը ճիշտ օգտագործելու եւ ազգային օրակարգ հաստատելու համար։
Վերջիններիս կողմից բոլոր մեղադրանքներն ու պիտակաւորումները մեր երկրի բնակչութեան հանդէպ ոչ միայն անարդիւնաւետ են, այլեւ սխալ ու դատապարտելի ազգային խնդիրների լուծման առումով»։
Աղբիւր` Panorama.am
