«Սա մէզ համար ազգային ազատագրական պայքար է՝ այսպէս կոչուած իշխանութիւններից ազատագրուելու»,- յայտարարել է Սրբազան պայքարն առաջնորդող Բագրատ արքեպիսկոպոս Գալստանեանը:
Բագրատ Սրբազանը յաւելել է՝ պայքարը քաղաքական լուծում ունի։
«Քաղաքական լուծումներ կան, դրանց մասին խօսուել է։ Տարբերակը, որպէս այդպիսին, մէկն է՝ հեռացնել այս մարդկանց։ Ահա, քաղաքական լուծում եմ ասում։ Եւ այդ ճանապարհի մէջ մենք հաստատ համոզումով առաջ ենք գնում»,- ասել է նա։
Բագրատ Սրբազանը վերահաստատել է՝ յանձնառու են շարունակել պայքարի՝ իրենց ստանձնած պատասխանատուութիւնը։
«Մեր յանձնառութիւնը շատ յստակ է, պատասխանատուութիւնն էլ՝ շատ յստակ․ սա վերաբերում է ամբողջ Հայաստանին, մեր ժողովրդին, մեր ազգին, մեր պատմութեանը, մեր գալիքին։ Մենք յանձն ենք առել, այդ պատասխանատուութիւնը ստանձնել ենք՝ կասեցնել այս շարունակական աղէտը»,- ասել է նա։
Բագրատ Սրբազանը շեշտել է նաեւ՝ պայքարը շարունակւում է, հասնելու են ցանկալի վերջնարդիւնքին։
