Վահրամ Բագրատեան
mediahub.am
Ադրբեջանական լրատուամիջոցները յայտնում են ԼՂ նախկին ղեկավարութեան քրէական գործերով քննչական գործողութիւնների աւարտի մասին։ Գործերն առաջիկայում ուղարկուելու են դատարան։
Կասկածից վեր է, որ սա լինելու է դատավարութիւն՝ Արցախի պետականութեան, Հայաստանի եւ հայ ժողովրդի դէմ:
Հենց այդ նպատակով են Արցախի նախկին ղեկավարները տարուել Բաքուի բանտեր:
Բայց արդեօ՞ք Հայաստանի հասարակութիւնը գիտակցում է տեղի ունեցողի ողբերգականութիւնը, հետեւանքները:
Մի փոքր կասկածում եմ:
Եթէ համարժէք գիտակցութիւն լինէր, ապա մեր հասարակութիւնը թոյլ չէր տա, որ Նիկոլ Փաշինեանի իշխանութիւնը, Ալիեւից էլ «ջանասիրաբար», պայքարեր այն ամէնի դէմ, ինչը կապուած է Արցախի հետ:
Վերջին ամենաթարմ օրինակը, երբ իրաւապահները շինծու հիմքերով առգրաւեցին Արցախի վերջին նախագահ Սամուել Շահրամանեանի աւտօմեքենան:
Քանի՞ մարդ ընդվզեց դրա դէմ, քանի՞ դատապարտող յայտարարութիւն հնչեց այդ թեմայով:
Ադրբեջանում Արցախի պատանդառուած ռազմաքաղաքական ղեկավարութեանը հալածում են բացայայտ, Երեւանում արցախցիների դէմ պայքարում են ծածուկ մեթոդներով՝ ամէն օր խորացնելով «հայաստանցի- արցախցի» անջրպետը:
Սա պետականութեան քաղաքակրթական ճգնաժամի յատկանիշ է, համապարփակ ճգնաժամի, որի չյաղթայարման գինը կարող է դառնալ պետութեան կորուստը:
