Հայաստանի, Յունաստանի եւ Կիպրոսի յատուկ նշանակութեան ուժերը զինավարժանքներ են անցկացրել Յունաստանի Ատտիկայ օկրուգում:
Ինչպէս հաղորդում է «Արմենպրես»-ը, այդ մասին յայտնել է Յունաստանի ազգային պաշտպանութեան Գլխաւոր շտաբը։
Տեղեկատուութեան համաձայն՝ «նոյեմբերի 6-ից մինչեւ 10-ը Ատտիկայի Նեայ Պերամոս շրջանում տեղի են ունեցել յատուկ նշանակութեան ուժերի եռակողմ համատեղ զինավարժանքներ` Յունաստանի, Կիպրոսի եւ Հայաստանի յատուկ գործողութիւնների ուժերի միջազգային համագործակցութեան շրջանակներում»։
«Համատեղ վարժանքը, որը մտնում է Յունաստանի, Կիպրոսի եւ Հայաստանի միջեւ 2023 թուականի համատեղ գործողութիւնների ծրագրի մէջ, նպաստեց մասնակիցների միջեւ փոխըմբռնման եւ գիտելիքների եւ փորձի փոխանակման մակարդակի բարձրացմանը, ինչպէս նաեւ նրանց գործառնական հնարաւորութիւնների ամրապնդմանը» — ընդգծել են գերատեսչութիւնում։
Վարժանքների ընթացքում իրականացուել են մարտական հրաձգութիւններ, մշակուել են դիպուկահարների գործողութիւնների տեխնիկան եւ մարտավարութիւնը, մանեւրները փակ տարածքներում, գործողութիւնների պլանաւորումը:
