Երեւանում կայացել է ՀՅԴ Արցախի կազմակերպական կառույցի 28-րդ շրջանային ժողովը։ Ժողովը մէկ անգամ եւս հաստատել է, որ ՀՅԴ-ն բոլոր միջոցներով սատար է կանգնելու Արցախի ժողովրդի հիմնարար իրաւունքների պաշտպանութեանը եւ ինքնորոշման իրաւունքի վերականգնմանը։
ՀՅԴ-ն բոլոր հարթակներում շարունակելու է ներկայացնել Արցախի հիմնահարցի էութիւնն ու արցախցիների՝ հայրենիք հաւաքական վերադարձի անժամանցելի իրաւունքը։ Շարունակելու է իր համագործակցութիւնը Արցախի Հանրապետութեան իշխանութիւնների եւ քաղաքական ու հասարակական բոլոր այն ուժերի հետ, որոնք իրենց օրակարգում են պահում վերոյիշեալ հարցերը։
Ժողովը իր աշխատանքների աւարտին ընտրել է Կենտրոնական կոմիտէի 7 հոգանոց կազմ։
Կենտրոնական կոմիտէի ներկայացուցիչ է ընտրուել Արա Պուլուզեանը։
ՀՅԴ Արցախի Կենտրոնական Կոմիտէ
31.03.2024 թ.
