«Վեհափառ Հայրապետը, ի ուրախութիւն մէզ բոլորիս, յայտարարեց, որ Արցախի թեմը չի լուծարուելու, այլ փոքր ինչ գործառոյթներն են փոխուելու։ Այն իր նպատակին կծառայի։ Սա կնշանակի, որ մենք մեր սրտում նորից Արցախ վերադառնալու երազանք կ’ունենանք»
Մայր Աթոռը որոշել է պահպանել Արցախի թեմը։ Այս մասին յայտնում են Մայր Աթոռի տեղեկատուական կենտրոնից:
Գերագոյն հոգեւոր խորհրդի ժողովը նախագահում էր Գարեգին Բ Ամենայն Հայոց Կաթողիկոսը:
Ժողովի առաջին օրը զեկոյցով հանդէս եկան Արցախի թեմի առաջնորդը եւ Արցախի նախկին պետնախարար Արտակ Բեգլարեանը:
Ինչպէս նշեց Արցախի թեմի առաջնորդ Տ․Վրթանես եպիսկոպոս Աբրահամեանը, Արցախի թելի լուծարումը տեղի չի ունենայ։
«Վեհափառ Հայրապետը, ի ուրախութիւն մէզ բոլորիս, յայտարարեց, որ Արցախի թեմը չի լուծարուելու, այլ փոքր ինչ գործառոյթներն են փոխուելու։ Այն իր նպատակին կծառայի։ Սա կնշանակի, որ մենք մեր սրտում նորից Արցախ վերադառնալու երազանք կ’ունենանք», — նշեց Արցախի թեմի առաջնորդը։
Յաջորդ օրուայ նիստին զեկոյցով հանդէս եկաւ Կախուածութիւնների բուժման ազգային կենտրոնի տնօրէն Սուրէն Նազինեանը: Ներկայացրեց Հայաստանում թմրամոլութեան աճի հետ կապուած իրավիճակը:
