Երեւանի քաղաքապետն ընդդէմ Իշխան Սաղաթելեանի 2-րդ գործով եւս վերջնականապէս պարտուեց. անբողոքարկելի եզրափակիչ դատական ակտը ուժի մէջ է մտել: Այս մասին գրել է իրաւաբան Վահէ Գրիգորեանը:
«2022թ տեղի ունեցած «Դիմադրութեան» շարժման բողոքի ակցիաների եւ շտապ հաւաքների անցկացման փաստը հիմք ընդունելով` Երեւանի քաղաքապետը 4 հայց է ներկայացրել ընդդէմ Իշխան Սաղաթելեանի` պահանջելով որպէս կազմակերպիչ նրան տուգանել մինչեւ 300.000 ՀՀ դրամի չափով, ընդհանուր առմամբ` մինչեւ 1 մլն 200 հազար ՀՀ դրամի չափով:
4 վերաբերելի գործերով էլ Իշխան Սաղաթելեանի ներկայացուցիչը հանդիսանում եմ Ես, նրա իրաւունքների եւ ազատութիւնների պաշտպանութիւնը սոյն գործերով թէ´ Վարչական, թէ´ Վերաքննիչ Վարչական դատարանում իրականացւում է Իմ կողմից:
Նախորդ տարի Վարչական դատարանը 4 գործերով էլ Մեր պահանջը բաւարարարել էր` Երեւանի քաղաքապետի 4 հայցերն ընդդէմ Իշխան Սաղաթելեանի` մերժել:
Չհամակեպուելով` Երեւանի քաղաքապետը բողոքարկել էր Վարչական դատարանի 4 վճիռներն էլ, իսկ 2023թ Երեւանի աւագանու ընտրութիւններից յետոյ բողոքները հետ չէին կանչուել:
Վերաքննիչ դատարանում ՎԴ2/0186/05/22 գործով պարտուելով` Երեւանի քաղաքապետը Վերաքննիչ դատարանի որոշումը իր հերթին բողոքարկել էր: Վճռաբեկ դատարան: Վճռաբեկ դատարանը մերժել էր Երեւանի քաղաքապետ(արան)ի վճռաբեկ բողոքը վարոյթ ընդունելը. որոշումն օրինական ուժի մէջ է մտնում կայացման պահից, վերջնական է եւ բողոքարկման ենթակայ չէ:
Վերաքննիչ դատարանում ՎԴ2/0178/05/22 գործով եւս պարտուելով` Երեւանի քաղաքապետը վճռաբեկ բողոք էր ներկայացրել, սակայն օրերս Վճռաբեկ դատարանը արդէն երկրորդ` ՎԴ2/0178/05/22 գործով նոյնպէս մերժել է Երեւանի քաղաքապետ(արան)ի բողոքը վարոյթ ընդունել, ինչով արձանագրուել է Երեւանի քաղաքապետի վերջնական պարտութիւնն այս գործով եւս. որոշումն օրինական ուժի մէջ է մտնում կայացման պահից, վերջնական է եւ բողոքարկման ենթակայ չէ»,- գրել է նա
