Բրիւսելեան վերջին հանդիպման աւարտին յայտարարուած արդիւնքները, ինչպէս նաեւ Ռեյկեաւիկում Ն. Փաշինեանի կողմից հնչեցրած մօտեցումները խորը մտահոգութիւն են առաջացրել հայ ժողովրդի մօտ:
Աշխարհաքաղաքական ստեղծուած իրավիճակում հայ-ադրբեջանական բանակցութիւնների արհեստական արագացումը, այն էլ ճնշումների եւ սպառնալիքների ներքոյ թէ՛ ձեւով, թէ՛ բովանդակութեամբ չի բխում հայ ժողովրդի շահերից:
Այսպէս.
1․ Ցանկացած բանակցային բովանդակութիւն, ըստ որի Հայաստանի իշխանութիւնները համաձայնելու են, որ Արցախը լինի Ադրբեջանի կազմում՝ անտեսելով ինքնորոշման իրաւունքը, զուրկ է օրինական հիմքից, քանզի հակասում է՝
- ՄԱԿ-ի կանոնադրութեանը,
- Հելսինկեան եզրափակիչ ակտին,
- Արցախեան բանակցութիւնների միջազգայնօրէն ճանաչուած միակ ձեւաչափի՝ ԵԱՀԿ Մինսկի խմբի համանախագահների կողմից, բանակցութիւնների ընթացքում ընդունուած փաստաթղթերին,
- Հայաստանի Հանրապետութեան Սահմանադրութեանը եւ օրէնսդրութեանը,
- Արցախի Հանրապետութեան Սահմանադրութեանը:
2․ Նիկոլ Փաշինեանը իրաւասու չէ եւ որեւէ լիազօրութիւն չունի Արցախեան բանակցութիւնների եւ հայ-ադրբեջանական կարգաւորման շուրջ նման պայմանաւորուածութիւններ ձեռք բերելու եւ խոստումներ տալու, առաւել եւս, որ վերջին խորհրդարանական ընտրութիւնների ժամանակ իր տուած խոստումներն ու կառավարութեան ծրագիրը Արցախեան հակամարտութեան եւ հայ-ադրբեջանական կարգաւորումների հետ կապուած պարունակում են բոլորովին այլ դրոյթներ, քան հնչեցւում են միջազգային ձեւաչափով տարբեր հանդիպումների ժամանակ եւ որեւէ ամբիոնից պաշտօնական դիրքորոշում յայտնելիս:
3․ Պետք է բացառել որեւէ էքստերիտորիալ կոմունիկացիոն ցանկացած տիպի հաղորդակցում Հայաստանի Հանրապետութեան տարածքով:
4. Հայաստանի Հանրապետութեան եւ Արցախի Հանրապետութեան ինքնիշխան տարածքներից անյապաղ պէտք է դուրս բերուէն ադրբեջանական զօրքերը:
5. 2020 թ. նոյեմբերի 9-ի յայտարարութիւնից յետոյ հայ ռազմագերիների գտնուելը ադրբեջանական կալանավայրերում եռակողմ յայտարարութեան կոպտագոյն խախտում է, եւ նրանց ազատ արձակումը հրամայական է, այլ ոչ՝ բանակցութիւնների առարկայ:
6. Բաքուի եւ Ստեփանակերտի միջեւ ցանկացած հնարաւոր երկխօսութիւն պէտք է իրականացնել միջազգայնօրէն ճանաչուած ձեւաչափով եւ յստակ երաշխիքներով՝ հիմնուած կողմերի իրաւահաւասարութեան վրայ, սահմանափակուած չլինելով որեւէ պարտադրուած օրակարգով: Որեւէ այլ ձեւաչափ Արցախի ժողովրդի համար անընդունելի է:
7. Դելիմիտացիայի եւ դէմարկացիայի գործընթացները պէտք է ամրագրէն առաջին Արցախեան պատերազմի արդիւնքում տեղի ունեցած փոխադարձ դեանկլաւիզացիան եւ պէտք է բացառել վերադարձ անկլաւներին:
8. Միջազգային հանրութեան գերակայ պարտաւորութիւնն ու առաքելութիւնը հայ-ադրբեջանական կարգաւորման հարցում պէտք է լինի հրադադարի պահպանման երաշխաւորումը, ուժի կամ ուժի սպառնալիքի կիրառման բացառումը, միջազգայնօրէն ընդունուած ձեւաչափի գործարկումը, որպէս բանակցային հարթակ եւ միջազգային իրաւունքին համահունչ լուծումների առաջարկումը:
9. Անյապաղ պէտք ապահովել Բերձորի /Լաչինի/ միջանցքի ապաշրջապակումը եւ նրա լիարժէք վերագործարկումը 2020 թուականի նոյեմբերի 9-ի յայտարարութեամբ ամրագրուած պայմաններին համապատասխան:
Մենք՝ ներքոստորագրեալներս, յայտարարում ենք, որ ցանկացած բանակցային արդիւնք, որը կը հակասի այս դրոյթներին, անընդունելի է ու չի արտացոլում աշխարհասփիւռ հայութեան շահերը եւ Նիկոլ Փաշինեանը կամ որեւէ այլ քաղաքական գործիչ իրաւասու չէ բանաւոր կամ գրաւոր խոստումներ տալ կամ պարտաւորութիւններ ստանձնել այս օրակարգից տարբերուող օրակարգով:
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ՀՀ ԱԺ «Հայաստան» խմբակցութիւն
ՀՀ ԱԺ «Պատիւ ունեմ» խմբակցութիւն
«Ազատութիւն» կուսակցութիւն
«Ազգային համաձայնութիւն» կուսակցութիւն
«Ազգային անվտանգութիւն» կուսակցութիւն
«Ազգային ժողովրդավարական միութիւն» կուսակցութիւն
«Երկիր Ծիրանի» կուսակցութիւն
«Ժառանգութիւն» կուսակցութիւն
«Ինտելեկտուալ Հայաստան» կուսակցութիւն
«Համերաշխութիւն» կուսակցութիւն
«Հայրենիք» կուսակցութիւն
«Հայ Յեղափոխական Դաշնակցութիւն» կուսակցութիւն
«Հայաստանի Հանրապետական» Կուսակցութիւն
«Հայաստանի ժողովրդավարական ազատական միութիւն»
«Հայաստանի Դեմոկրատական» Կուսակցութիւն
«Միացեալ Հայաստան» կուսակցութիւն
«Սահմանադրական իրաւունք միութիւն» Կուսակցութիւն
«Վերածնուած Հայաստան» կուսակցութիւն
«5165 ազգային պահպանողական շարժում» կուսակցութիւն
ԱՐՑԱԽԻ ՀԱՆՐԱՊԵՏՈՒԹՅՈՒՆ
Արցախի «Արդարութիւն» կուսակցութիւն
«Ազատ Հայրենիք» կուսակցութիւն
ՀՅԴ Արցախի կառոյց
Արցախի ժողովրդավարական կուսակցոյթուն
«Քաղաքական միացեալ դաշինք» կուսակցութիւն
«Ազգային միաբանութիւն» կուսակցութիւն
«Միասնական Հայրենիք» կուսակցութիւն
Արցախի Պահպանողական կուսակցութիւն
Արցախի Հանրապետական կուսակցութիւն
«Շարժում- 88» կուսակցութիւն
Լեռնային Ղարաբաղի կոմունիստական կուսակցութիւն
«Ազգային վերածնունդ» կուսակցութիւն
Յայտարարութիւնը բաց է ստորագրման համար
