Կիրակի, Մայիսի 22, 2022ին, Բըրբէնքի Հայ Դատի Յանձնախմբի նախաձեռնութեամբ և պրոդիւսեր Փիթեր Բահլաւանեանի համգործակցութամբ` տեղի ունեցաւ «Ապրելու Տենչանք» (The Desire to Live) վաւերագրական ֆիլմի ցուցադրութիւնը, որը կենտրոնանում է Արցախի յետպատերազմեան տարբեր գիւղերի կեանքի վրայ: Ֆիլմը ազնիւ եւ անկեղծ հայեացք է հայ ընտանիքների, երիտասարդների, վերապրածների եւ զինուորների կեանքին, ովքեր այժմ վերադարձել են իրենց տները, չնայած, որ տները հիմնականում աւերուած են:
Բըրբէնքի Հայ Դատի Յանձնախմբի նախագահ Սարգիս Սիմոնեանը հանդիսատեսին ներկայացրեց ֆիլմը` նշելով, որ այն արժանացել է 126 մրցանակների ամբողջ աշխարհում, եւ ողջունեց հիւրերին, այդ թւում` Բըրբենքի քաղաքապետ Ջես Թալամանտեսին եւ սենատոր Պորտանտինոյի ներկայացուցիչ Արդայ Չակեանին:
Ֆիլմից յետոյ երաժշտական կոմպոզիտոր Ալէն Դերեանը, ով մինչ օրս արժանացել է 23 մրցանակի, Բըրբէնքի Հայ Դատի Յանձնախմբի անդամ Անի Բեդեանի հետ միասին միացան պրոդիւսեր Փիթեր Բահլաւանեանին` քննարկելու ֆիլմի սկզբնաւորման մանրամասները, յատկապէս կապուած 26-ամեայ գրողի հետ: ռեժիսոր Մարիամ Աւետիսեանը, ով ապրում է Արցախում.
Աւելի ուշ, երբ դահլիճը բացուեց հարց ու պատասխանի համար, ներկաները ակտիւօրէն ներգրաւուեցին եւ բարձրաձայնեցին իրենց մտահոգութիւնները, իրենց գնահատանքը եւ հարցերը:
Բըրբէնքի Հայ Դատի Յանձնախումբը ցանկանում է իր շնորհակալութիւնը յայտնել բոլորին, ովքեր ներկայ են եղել միջոցառմանը եւ հրաւիրում է բոլորին բաժանորդագրուել Մարիամ Աւետիսեանի YouTube ալիքին (https://www.youtube.com/c/MariamAvetisyan), որտեղ կարող էք գտնել. Արցախի բնակիչների ներկայի կարգավիճակը փաստող շաբաթական նորութիւններ.
Ամերիկայի Հայ Դատի Յանձնախմբի Բըրբենքի Մասնաճիւղը առաջ է մղում շրջանի հայ համայնքի սոցիալական, տնտեսական, մշակութային եւ քաղաքական իրաւունքները եւ նպաստում է նրա քաղաքացիական մասնակցութեան բարձրացմանը հասարակայնութեան եւ հանրային քաղաքականութեան մակարդակներում:
