«Գերագոյն խորհուրդ» պատգամաւորական ակումբինախագահութեան յայտարարութիւնըՎերջին շրջանում ՀՀ իշխանութեան որոշ բարձրաստիճան ներկայացուցիչներ ջանք չէն խնայում 1990 թուականի օգոստոսի 23-ին միաձայնութեամբ ընդունուած Հայաստանի Անկախութեան հռչակագիրն անուանարկել եւ անհեթեթ պատճառաբանութիւններով իրենց իսկ կողմից իրականացրած եւ ձախողած քաղաքականութիւնը, մասնաւորապէս, 2020 թ․ 44-օրեայ պատերազմի խայտառակ պարտութիւնը պատճառաբանել Հայաստանի Անկախութեան հռչակագրում ամրագրուած ուղենիշային դրոյթներով։Իսկ ՀՀ Վարչապետն ԱԺ ամբիոնից յայտարարեց, որ «Հայաստանի անկախութեան հռչակագիրը նրա մասին է, որ Հայաստանը չի կարող գոյութիւն ունենալ… Եւ սա մեր ամենամեծ պրոբլեմն ու ողբերգութիւնն է»։
«Գերագոյն խորհուրդ» պատգամաւորական ակումբն անընդուների է համարում ՀՀ Վարչապետի այդպիսի դիրքորոշումը եւ օրուայ իշխանութիւններին յիշեցնում է, որ Անկախութեան հռչակագրով պայմանաւորուած եւ անցկացուած անկախութեան Հանրաքուէի արդիւնքները ողջ աշխարհին ազդարարեցին հայ ժողովրդի ազատատենչ կամքը՝ ունենալու Հայկական անկախ ու ժողովրդաւար պետութիւն եւ 1991թ. սեպտեմբերի 23-ին
Գերագոյն խորհուրդը Հայաստանի Հանրապետութիւնը հռչակեց անկախ պետութիւն:
Գերագոյն խորհուրդը, ելնելով Հռչակագրի դրոյթներից, սահմանեց անկախ պետականութեան խորհրդանիշները՝ դրօշը, զինանշանը, օրհներգը։Հայաստանի Անկախութեան հռչակագրի եւ Սահմանադրութեան որեւէ դրոյթ ու ՀՀ պետական խորհրդանիշները՝ Միաւորուած ազգերի անդամ պետութիւնների կողմից Հայաստանի Հանրապետութիւնը որպէս անկախ պետութեան ճանաչման եւ միջազգային իրաւունքի հետ խնդիրներ չէն ունեցել եւ ներկայումս էլ չունեն։Հայաստանի Անկախութեան հռչակագրի ճակատագիրը ինքնաւար է ՀՀ Սահմանադրութեան ճակատագրից:«
Գերագոյն խորհուրդ» պատգամաւորական ակումբի նախագահութիւնը, հաշուի առնելով պատգամաւորների դիրքորոշումները յայտարարում է՝
Հայաստանի Անկախութեան հռչակագիրը անփոփոխ է, չունի դադարեցման իրաւաբանական հնարաւորութիւն, այն յարատեւ գործող փաստաթուղթ է եւ հանդիսանում է հայկական պետականութեան յարատեւութեան յենասիւներից մէկը։
Հայաստանի Անկախութեան հռչակագիրը պետականաստեղծ, հիմնադիր նշանակութեան ակտ է, ուստի այն պէտք է ընկալել որպէս անկախ պետականութեան պահպանման, յարատեւութեան երաշխիքներից մէկը։
Նախագահ Վարդան Պետրոսեան
