Ադրբեջանական մամուլը երեկուանից հեղեղուած է 1918 թուականին տեղի ունեցած իրադարձութիւններով, որը փորձում են ներկայացնել որպէս հայերի կողմից իրականացուած ցեղասպանութիւն: Այս մասին գրում է «Պատիւ ունեմ» խմբակցութեան պատգամաւոր Տիգրան Աբրահամեանը։
«Այս համատեքստում, ոչ այդքան անսպասելի յայտարարութեամբ է հանդէս եկել Թուրքիայի պաշտպանական գերատեսչութիւնը, այդ իրադարձութիւնները ցեղասպանութիւն անուանելով:
Այն, որ Թուրքիան եւ Ադրբեջանը` որպէս ցեղասպան երկրներ, բարոյական իրաւունք չունեն այլոց մեղադրելու մի յանցանքի մէջ, որի հետ անմիջապէս իրենք են ասոցացւում եւ պատասխանատուութիւն կրում, դա հարցի միայն մի հատուածն է:
Սակայն, տեսեք, ի՞նչ է կատարւում: ՀՀ իշխանութիւնն իր արտաքին քաղաքական օրակարգից հանում է Հայոց ցեղասպանութեան հարցը, պարտութեան խորհրդանիշ Փաշինեանը ժխտողական ձեւակերպումներ հնչեցնում, իսկ նոյն Թուրքիան ի պատասխան, դատապարտող յայտարարութիւն անում ու ադրբեջանական յօրինուած «փաստերը» ներկայացնում ցեղասպանութիւն:
Սա է իշխանութեան ողջ թշուառութիւնն ու երկիրը վաճառքի դնելու գինը»,- գրում է Տիգրան Աբրահամեանը։
