Ադրբեջանի պետանվտանգութեան ծառայութիւնը շարունակում է անցեալ տարուանից առեւանգուած եւ ապօրինի կալանքի տակ գտնուող Արցախի նախկին պետնախարար, գործարար եւ բարերար Ռուբէն Վարդանեանի դէմ յարուցուած քրէական գործի քննութիւնը։
29 յունուարի, ԱՐՑԱԽՊՐԵՍ: Այդ մասին յայտնում են տեղի լրատուամիջոցները։
Նշւում է, որ գործի շրջանակում քննուել է Բաքուի առաջին ատեանի դատարանի՝ Ռուբէն Վարդանեանի կալանքի ժամկէտը 4 ամսով երարաձգելու որոշման դէմ Վարդանեանի պաշտպանի վերաքննիչ բողոքը
Բաքուի վերաքննիչ դատարանում կայացած նիստում ընթերցուել է դատարանի որոշումը, ըստ որի՝ ներկայացուած բողոքը չի բաւարարուել եւ կալանքը երկարաձգելու մասին առաջին ատեանի դատարանի որոշումը մնում է անփոփոխ։
Յիշեցնենք, որ Վարդանեանն անցած տարուայ սեպտեմբերին Արցախից հեռանալու փորձի ժամանակ ապօրինաբար ձերբակալուել է Ադրբեջանի պետական սահմանային ծառայութեան կողմից՝ մեղադրուելով «ահաբեկչութեան ֆինանսաւորման», «օրէնքով չնախատեսուած զինուած կազմաւորումների կամ խմբերի ստեղծմանն ու գործունէութեանը մասնակցելու», «Ադրբեջանի պետական սահմանը ապօրինի հատելու» համար:
