«Հայաստանում Իրանի Իսլամական Հանրապետութեան արտակարգ եւ լիազօր դեսպան Մեհդի Սոբհանին չափազանց ուշագրաւ յայտարարութիւններ է արել Արցախ հայութեան վերադարձի մասին․ այս մասին գրել է Իրանագէտ Վարդան Ոսկանեանը։
«Ղարաբաղի հայ բնակիչների իրաւունքները պէտք է յարգուէն։ Այդ հարցը վէրքի է նման, եւ այդ վէրքը պէտք է բուժուի», – «Ազատութեանը» բացառիկ հարցազրոյցում ասել է նա:
Դեսպան Մեհդի Սոբհանին, ըստ էութեան, առաջնորդուել է Իրանի Իսլամական Հանրապետութեան հոգեւոր առաջնորդ այաթոլլահ Ալի Խամենեիի՝ 2020թ. 44-օրեայ պատերազմի վերջին շրջանում կատարած կարեւոր այն յայտարարութեամբ, ըստ որի՝ Արցախի հայերի անվտանգութիւնը պէտք է ապահւուի, ինչը, ցաւօք, այդքան էլ ուշադրութեան չարժանացաւ մէզանում։
Չափազանց կարեւոր է, որ այժմ հէնց Իրանն է առաջ քաշում Արցախի հայութեան իր բնօրրան վերադարձի եւ անվտանգութեան ապահովման հարցը, առանց ինչի՝ կայուն խաղաղութեան հասնելն անհնարին է։
Կասկած չկայ, որ հայութեան՝ Արցախ վերադարձի հարցում, ի դէմս Իրանի, մենք ունենք հզօր դաշնակից, ինչը լրացուցիչ հնարաւորութիւն է ստեղծում այդ խնդիրն ակտիւօրէն առաջ մղելու»,- գրել է նա։
