Նոյեմբերի 5-ին Մայր Աթոռ Սուրբ Էջմիածնում, Ն.Ս.Օ.Տ.Տ. Գարեգին Երկրորդ Ծայրագոյն Պատրիարք եւ Ամենայն Հայոց Կաթողիկոսի նախագահութեամբ, սկսուեց Գերագոյն հոգեւոր խորհրդի հերթական ժողովը:
Ժողովին որպէս ատենապետ մասնակցում էր նաեւ Կ․ Պոլսի Հայոց Պատրիարք Ամենապատիւ Տ․ Սահակ արքեպիսկոպոս Մաշալեանը։
ԳՀԽ ժողովը բացուեց Տերունական աղօթքով, որից յետոյ Վեհափառ Հայրապետն իր գնահատանքն ու օրհնութիւնը բերեց Գերագոյն հոգեւոր խորհրդի հոգեւորական եւ աշխարհական անդամներին` հայցելով Սուրբ Հոգու առաջնորդութիւնը ժողովի բարեյաջող եւ արդիւնաւետ ընթացքի համար։
Ժողովի ընթացքում կքննարկուեն հայրենական կեանքի մարտահրաւէրներին, արցախահայերի իրաւունքների պաշտպանութեանը, Արցախի հոգեւոր-մշակութային ժառանգութեան, սփիւռքում ինքնութեան պահպանման հիմնախնդիրներին, քրիստոնեկան կրթութեան կազմակերպմանը, եկեղեցու ժողովական եւ վարչական կեանքին առնչուող հարցեր։
