ՀՅԴ Հայաստանի Գերագոյն Մարմնի Յայտարարութիւն
Սեպտեմբերի 17-ին կայացած Երեւանի աւագանու ընտրութիւնների առնչութեամբ, վերահաստատելով հրապարակայնօրէն արտայայտած մեր պաշտօնական տեսակէտները, կարեւոր ենք համարում արձանագրելը.
1. երեւանցին իր վճռական քուեով թոյլ չտուեց ինչպէս երկրի, այնպէս էլ մայրաքաղաքի կառավարումը տապալած, մեր Հայրենիքը օրհասական վիճակի հասցրած ՔՊ-ական իշխանութեան վերարտադրումը մայրաքաղաքում` մերժելով թէ’ ՔՊ-ին եւ թէ’ նրան բացայայտ կամ քօղարկուած կերպով աջակցող ուժերին,
2. այս փուլում կարեւոր է հրապարակային եւ անուէրապահ բացառել Երեւանի աւագանիում ՔՊ-ի հետ որեւէ միաւորման ձեւաւորումը կամ նրան աջակցելը, ինչպէս նաեւ ընդդիմադիր քաղաքապետի ընտրութեան հարցում հետընտրական համագործակցութեան պատրաստակամութիւն յայտնելը,
3. շնորհակալութիւն ենք յայտնում ընտրութիւններին մասնակցած բոլոր քաղաքացիներին, ովքեր իրենց քուեով արձանագրեցին իշխող ուժի լեգիտիմութեան ճգնաժամը:
Բարձր ենք գնահատում ընտրական յանձնաժողովներում իրենց գործուն մասնակցութեամբ ընտրութիւնների ընթացքը վերահսկած եւ քաղաքացիների քուէն պաշտպանած յանձնաժողովների անդամների եւ դիտորդների դերը:
