Հայաստանի Հանրապետութեան Ազգային Ժողովի «Հայաստան» խմբակցութիւնն իր երախտագիտութիւնն է յայտնում Շուեյցարիայի Դաշնային ժողովի երկու պալատներին՝ Ազգային ժողովին եւ Կանտօնների խորհրդին, «Խաղաղութեան ֆորում Լեռնային Ղարաբաղի համար. Հայերի վերադարձի հնարաւորութիւնը» վերնագրով բանաձեւի ընդունման կապակցութեամբ։
Այս սկզբունքային եւ ժամանակին կայացուած որոշումը վկայում է միջազգային իրաւունքին, համամարդկային հումանիտար արժէքներին եւ ընդգրկուն դիւանագիտութեանը Շուեյցարիայի երկարամեայ հաւատարմութեան մասին։ Կարեւորելով Լեռնային Ղարաբաղի եւ Ադրբեջանի ներկայացուցիչների միջեւ երկխօսութիւն խթանող յատուկ ֆորումի ստեղծման անհրաժեշտութիւնը՝ Շուեյցարիան կարեւոր շեշտադրում է կատարում՝ պաշտպանելու բնօրրանից բռնի տեղահանուած հայերի հաւաքական վերադարձի եւ հիմնարար այլ իրաւունքի իրացման ուղղութեամբ։
Մենք խորապէս գնահատում ենք Շուեյցարիայի խորհրդարանի երկու պալատների պատրաստակամութիւնը՝ աջակցելու եւ կեանքի կոչելու այս կենսական նախաձեռնութիւնը եւ ողջունում ենք Դաշնային խորհրդի առաջիկայ դերակատարութիւնը այն իրագործելու հարցում։ Լեռնային Ղարաբաղի հայ բնակչութեան բռնի, էթնիկ զտման նպատակադրումով եւ ռազմական գործողութիւններով ուղեկցուած տեղահանումը ոչ միայն լրջագոյւն հումանիտար ճգնաժամ է առաջացրել, այլեւ բարոյական եւ իրաւական լուրջ մարտահրաւէր է միջազգային հանրութեանը։ Երկխօսութեան ֆորում կազմակերպելու Շուեյցարիայի առաջնորդութիւնը յոյսի նշան է եւ կառուցողական ներգրաւուածութեան օրինակ։
Մենք պատրաստ ենք ակտիւօրէն աջակցել այս նախաձեռնութեանը եւ սերտօրէն համագործակցել շուեյցարացի մեր գործընկերների եւ բոլոր շայառուների հետ՝ ապահովելու ֆորումի արդիւնաւետ ընթացքն ու նպաստելու Հարաւային Կովկասում յարատեւ եւ արդար խաղաղութեան հաստատմանը։
21.03.2025Երեւան
