Սամուել Շահրամանեանը առաջիկայում հրապարակային ելոյթ կ’ունենայ, որը կը տեղադրուի հանրային հարթակում
ՍՏԵՓԱՆԱԿԵՐՏ, 25 հոկտեմբերի, ԱՐՑԱԽՊՐԵՍ: Այս մասին յայտնել են Արցախի ներկայացուցչութիւնից:
«Առաջիկայում արցախցիներին յուզող հարցերով Սամուել Շահրամանեանը հրապարակային ելոյթ կ’ունենայ, որը կը տեղադրուի հանրային հարթակում»,-փոխանցեցին Արցախի ներկայացուցչութիւնից:
Նշէնք, որ այս պահին արցախցիները գալիս են Արցախի ներկայացուցչութիւն իրենց խնդիրները գոյքագրւում են, որպէսզի դա փոխանցուի ՀՀ կառավարութեանը:
Յիշեցնենք, որ հոկտեմբերի 20-ին Արցախի ներկայացուցչութեան շէնքի բակում Սամուել Շահրամանեանը՝ դիմելով հաւաքուած արցախցիներին, ասել էր հետեւեալը. «Արցախի Հանրապետութիւնը չի լուծարուել: Այդ փաստաթղթի հետ կապուած ահագին հարցեր կան, որը ես այստեղ չեմ կարող ասել, բայց ես ձեզ վստահեցնում եմ, որ ոչ մի փաստաթղթով չի կարող լուծարուել ժողովրդի կողմից ստեղծուած հանրապետութիւնը: Սրա պատասխանը ես հանրային ձեւով տալու եմ Հանրային հեռուստատեսութեամբ:
Դրա նախապատրաստման մասով ես արդէն իմ ցուցումը տուել եմ: Առաջիկայում ես այս բոլոր հարցերին անդրադառնալու եմ: Եւ այդ փաստաթղթին, եւ այն փաստաթղթին, որն ընդունուել է ռազմական գործողութիւնները կանգնեցնելու նպատակով: Որ սեպտեմբերի 20-ին ռազմական գործողութիւնները կանգնել են, եւ գիտեք՝ որտեղ է կանգնել:
Ոչ մէկի մօտ թող կասկած չառաջանայ, որ եթէ մենք իմնայինք, որ մենք կարող ենք յաղթել այդ ռազմական գործողութիւններում, մենք մինչեւ վերջ չէինք կանգնելու: Մենք խնայել ենք մեր տղաներին, մեր քաղաքացիական բնակչութեան կեանքը, որը վտանգուած է եղել: Մեկ ժամ յետոյ կմտնէին քաղաք, կնին ու երեխայ կփրթեին»:
