Հայաստանում Կարմիր Խաչը յայտարարել է, որ Ադրբեջանի Հանրապետութիւնը արգելափակել է Ղարաբաղ տանող ճանապարհը եւ այդ պատճառով աւելացել են մտահոգութիւնները այս տարածաշրջանում հումանիտար իրավիճակի վերաբերեալ։
Հայաստանում Կարմիր Խաչի միջազգային կոմիտէի խօսնակ Զառայ Ամատունին այս կապակցութեամբ «Ֆրանս Պրես» լրատուական գործակալութեանը ասել է. «Հինգշաբթի օրուանից Կարմիր Խաչի կողմից Լաչինի միջանցքով ոչ մի տեղաշարժ չի իրականացուել: Դադարեցուել է Ղարաբաղի հիւանդանոցներին դեղորայքի եւ այլ բժշկական պարագաների մարդասիրական մատակարարումը եւ ծանր հիւանդների տեղափոխումը»։
Անցեալ շաբաթ Հայաստանի վարչապետ Նիկոլ Փաշինեանը յայտարարեց, որ «Լեռնային Ղարաբաղում հումանիտար իրավիճակը զգալիօրէն վատթարացել է»։
Հայաստանի վարչապետն այս առնչութեամբ յաւելեց. «Ղարաբաղ սննդի մատակարարումը գործնականում դադարեցուել է, եւ թոյլ չէն տալիս հիւանդներին տեղափոխել հայկական հիւանդանոցներ բուժման համար։ Բաքուի գործողութիւնները վկայում են, որ Ադրբեջանը (Հանրապետութիւնը) Ղարաբաղում էթնիկ զտումների քաղաքականութիւն է վարում»։
Մինչդեռ այս տարուայ փետրուարի 22-ին Արդարադատութեան միջազգային դատարանը՝ ՄԱԿ-ի բարձրագոյն դատական մարմինը, Ադրբեջանի Հանրապետութեանը յանձնարարեց երաշխաւորել ճանապարհների ազատ տեղաշարժը։
Այդ ժամանակ Ադրբեջանը փակել էր Լաչինի ճանապարհի մուտքը՝ Հայաստանի միակ ճանապարհը, որը տանում է դէպի Ղարաբաղ, եւ յայտարարեց, որ քաղաքացիական տրանսպորտը կարող է անարգել իրականացուել Լաչինի միջանցքով։ Անցեալ շաբաթ Հայաստանը մեղադրեց Բաքուին Լաչինի միջանցքով երթեւեկութիւնը արգելափակելու մէջ։
