Փարիզում անցկացուող 33-րդ ամառային Օլիմպիական խաղերում օգոստոսի 5-ին տեղի է ունեցել յունահռոմեական ոճի ըմբշամարտի մրցաշարի վիճակահանութիւնը։ Յայտնի են Հայաստանի առաջին մասնակիցների՝ Արթուր Ալեքսանեանի(97 կգ) եւ Մալխաս Ամոյեանի (77կգ) առաջին մրցակիցները։
Օլիմպիական խաղերի ոսկէ, արծաթէ եւ բրոնզէ մեդալակիր, աշխարհի քառակի չեմպիոն, Եւրոպայի 7-ակի չեմպիոն Արթուր Ալեքսանեանի մրցակիցը մեկնարկային 1/8-րդ եզրափակիչում կը լինի 2014 թ. երիտասարդների աշխարհի փոխչեմպիոն, 2017 թ. Ասիայի առաջնութեան փոխչեմպիոն, 2021 թ. Ասիայի առաջնութեան փոխչեմպիոն, 2024 թ. Ասիայի գոտու օլիմպիական վարկանիշային մրցաշարի յաղթող, Հարաւային Կորեայի ներկայացուցիչ Սինջուն Կիմը։
Աշխարհի չեմպիոն, Եւրոպայի եռակի չեմպիոն Մալխաս Ամոյեանը մեկնարկային 1/8 եզրափակիչում ուժերը կչափի 2021 թ. երիտասարդների Եւրոպայի չեմպիոն, 2022 թ. Մ20 Եւրոպայի փոխչեմպիոն, 2023 թ. Մ23 Եւրոպայի չեմպիոն, 2024 թ. Բաքւում անցկացուած օլիմպիական վարկանիշային մրցաշարի յաղթող, Ֆինլանդիայի ներկայացուցիչ Ջոնի Կունարի Սարկկինենի հետ։
Հունահռոմեական ըմբշամարտի օլիմպիական վարկանիշային մրցաշարում Արթուր Ալեքսանեանն ու Մալխաս Ամոյեանը կմեկնարկէն օգոստոսի 6-ին Երեւանի ժամանակով 13:00-ից։
