Արեւմտեան թեմի Առաջնորդանիստ Ս. Ղեւոնդեանց Մայր տաճարում Շաբաթ՝ Յունուարի 13-ին սկիզբը դրուեց նոր նախաձեռնութեան։ Թեմակալ Առաջնորդ Յովնան Արք. Տէրտէրեանի հովանաւորութեամբ սկսուեցին գրաբարի դասընթացները, որ վարում է բանասիրական գիտ. թեկնածու, դոցենտ եւ Առաջնորդարանի աշխատակից Նորայր Պօղոսեանը։ Գրաբարը մեր եկեղեցու ծէսի, աղօթքի լեզուն է, մեր մշակութային արժէքն ու ժառանգութիւնն է, եւ նրա ուսանումը հնարաւորութիւն է տալիս լայնացնել մեր լեզուական ու մշակութային գիտելիքները, հաղորդակցուել հոգեւոր արժէքների հետ։
Ծրագրով նախատեսուած է անցնել գրաբարի կանոնները Աստուածաշնչի եւ Ս. Պատարագի միջոցով, ծանօթանալ հայ մշակոյթի դասական հեղինակներին եւ գրաբարով գրուած երկերին։ Կը լինեն նաեւ առցանց հիւրեր եւ ձեռնարկներ ի նպաստ Արեւմտեան թեմի։
Անդրանիկ դասընթացին մասնակցում էին երկու տասնեակ ունկնդիրներ թեմի տարբեր ծուխերից, որ շահագրգիռ ու գործուն ներգրաւուած էին դասի ընթացքին։ Առաջին օրուանից յետոյ դասընթացքին մասնակցելու նոր յայտերը եւ ցանկութիւնները տակաւին շարուակւում են։
Դիւան Առաջնորդարանի
Յունուար 15, 2023
