Օգոստոսի 4-ին կեանքին հրաժեշտ տւեց «ԱԼԻՔ»-ի ընտանիքի ամենահարազատ ու ամենաերէց անդամը՝ սիրելի Նազար Շահվերդեանը:
Մարդ՝ ում կեանքը ողողւած էր «ԱԼԻՔ»-ի ամենօրեայ ապրումներով: Մարդ, անհատականութիւն, ով իր ներկայութեամբ տրամադրութիւն էր ստեղծում՝ լաւատեսութեամբ եւ մշտածիծաղ հումորներով, դրական տրամադրութիւն փոխանցելով բոլորիս, յատկապէս գրական ստեղծագործութիւնների ճամբով նոր սերունդներին վառ հայրենասիրութիւն փոխանցելով:
Այսօր դժւար է խօսել անցեալով, քանզի նոյնիսկ ամենաանելանելի պահերին էլ նա բոլորիս լաւատեսութիւն էր ներշնչում, բայց աւաղ այսօր…
Հոգուդ լոյս իջնի մեր շատ սիրելի պարոն Նազար, շատ կը կարօտենք ու միշտ կը յիշենք Ձեր բարի համբաւն ու յիշատակը…
«Օրակարգը» վշտակցութիւն է յայտնում Ալիքի ընտանիքին, Իրանի Իսլ. խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանին եւ հանգուցեալի հարազատներին ու իրահանայ գրասէր համայնքին:
