Արտախորհրդարանական 20-ից աւելի ուժեր այսօր քննարկում են արել եւ համատեղ յայտարարութիւն ընդունել, որով դատապարտում են իշխող «Քաղաքացիական պայմանագիր» խմբակցութեան կողմից՝ ընդդիմութեան նախաձեռնած յունիսի 3-ի ԱԺ նիստի տապալումը եւ զօրակցութիւն են յայտնում ընդդիմութեան հեղինակած՝ հայ -թուրքական եւ հայ- ադրբեջանական յարաբերութիւնների մասին յայտարարութիւնում ամրագրուած սկզբունքներին:
«Հայաստանի Դեմոկրատական» կուսակցութեան փոխնախագահ Նարինէ Դիլբարեանը «Փաստինֆոյ»-ի հետ զրոյցում յայտնել է, որ քննարկմանը մասնակցել են Պարոյր Հայրիկեանի գլխաւորած ԱԻՄ-ը, 5165 շարժումը, «Երկիր Ծիրանին», «Հայաստանի դէմոկրատական կուսակցութիւնը», ՀԺԱՄ-ը, «Ինտելեկտուալ Հայաստան » կուսակցութիւնը, Գառնիկ Իսագուլեանի ղեկավարած «Ազգային անվտանգութիւն» կուսակցութիւնը, «Ազատութիւն» կուսակցութիւնը, « Զարթօնքը» եւ այլն։
«Յայտարարութեամբ զօրակցութիւն ենք յայտնում ընդդիմութեան նախագծի սկզբունքներին, որոնք վերաբերում են Արցախի ինքնորոշման իրաւունքին, սահմանազատման աշխատանքներին եւ հայ-թուրքական յարաբերութիւններին։ Կարծում ենք, որ Հայաստանի ներքին եւ արտաքին քաղաքականութիւնը պէտք է խարսխուած լինի այս սկզբունքների վրայ: Որոշում է կայացուել, որ ուժերը դատապարտում են նաեւ Նիկոլ Փաշինեանի եւ ՔՊ-ի կողմից՝ ժողովրդավարական սկզբունքների համաձայն պետական խնդիրները քննարկումը տապալելը եւ զօրակցութիւն են յայտնում այն սկզբունքներին, որոնք ձեւաւորուած են ընդդիմութեան նախաձեռնութեան մէջ, այս յայտարարութիւնն ուղղուած է ոչ միայն ներքին քաղաքական լսարանին, այլ նաեւ արտաքին աշխարհին, դա վերաբերւում է եւ՛ԵՄ-ին, եւ՛ ԱՄՆ-ին, եւ՛ ԵԱՀԿ Մինսկի խմբին»,-ասել է Դիլբարեանը:
tert.am
