Չեմ թաքցնի՝ մանդատը վայր դնելու վերաբերեալ քննարկում եղել է։ Այս մասին, այսօր՝ դեկտեմբերի 2-ին, ԱԺ-ում լրագրողների հետ ճեպազրոյցում ասաց «Հայաստան» խմբակցութեան պատգամաւոր, ՀՅԴ ԳՄ ներկայացուցիչ Իշխան Սաղաթելեանը` անդրադառնալով մամուլում շրջանառուող խօսակցութիւններին, որ ի թիւս ընդդիմադիր այլ պատգամաւորների, ինքը եւս որոշել է վայր դնել պատգամաւորական մանդատը։
«Նման քննարկում եղել է, բայց ՀՅԴ Գերագոյն մարմինը կայացրել է որոշում, որ «Հայաստան» խմբակցութեան բոլոր դաշնակցական պատգամաւորները պէտք է մասնակցէն խորհրդարանի աշխատանքներին։ Դաշնակցութեան մէջ անյատական, անձնական չկայ այլեւս, երբ կայ ԳՄ որոշումը։ Հետեւաբար ես իմ մանդատը վայր չեմ դնելու, եթէ դնէինք, ապա դնելու էինք բոլորս»,- ասաց Սաղաթելեանը։
Հարցին՝ ի՞նչ տարաձայնութիւններ կան խմբակցութեան ներսում, Սաղաթելեանը պատասխանեց․ «Վերածնուող Հայաստան»-ը արել է իր յայտարարութիւնը, «Հայաստան» խմբակցութիւնը դրան պատասխանել է, աւելացնելու ոչինչ չունեմ»։
