Ամենայն Հայոց Կաթողիկոսն ընդունեց Հունգարիայի Եկեղեցիների էկումենիկ խորհրդի պատուիրակութեանը
Ապրիլի 1-ին Ն.Ս.Օ.Տ.Տ. Գարեգին Երկրորդ Ծայրագոյն Պատրիարք եւ Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Հունգարիայի Եկեղեցիների խորհրդի գլխաւոր քարտուղար, Լիւթերական-Աւէտարանական եկեղեցու վերապատուելի Վիլմոշ Ֆիշլի գլխաւորած պատուիրակութեանը։
Ողջունելով հիւրերին՝ Վեհափառ Հայրապետը վերջիններիս այցը Հայաստան եւ Մայր Աթոռ Սուրբ Էջմիածին նկատեց որպէս զօրակցութիւն հայ ժողովրդին այս դժուարին ժամանակներում։
Ամենայն Հայոց Կաթողիկոսն իր գնահատանքն արտայայտեց Հունգարիայի կողմից նախաձեռնուած՝ արցախահայերի աջակցութեանն ուղղուած ծրագրերի առնչութեամբ։
Իր խօսքում Վեհափառ Հայրապետը, անդրադառնալով Բաքւում պատանդառուած հաեորդիների ազատ արձակման խնդրին, գոհունակութեամբ հաստատեց, որ շնորհիւ Հունգարիայի կառավարութեան եւ Մայր Աթոռի գործակցութեան 2021 թուականին հնարաւոր եղաւ ապահովել հինգ հայ ռազմագերիների վերադարձը հայրենիք։
Հանդիպմանն անդրադարձ կատարուեց նաեւ հայ-հունգարական փոխգործակցութեանը, Հայոց Եկեղեցու միջեկեղեցական յարաբերութիւններին, ինչպէս նաեւ Հունգարիայի հայ համայնքի ազգային-հոգեւոր կեանքին։
Զրոյցի ընթացքում վերապատուելի Վիլմոշ Ֆիշլը խօսեց հայ-հունգարական պատմական առնչակցութիւնների մասին, կարեւորեց ընդհանուր քրիստոնեական արժեհամակարգ ունեցող երկու ժողովուրդների յարաբերութիւնների առաւել զօրացումն ու ամրապնդումը։
