Եւրոպական Միութիւնն Ադրբեջանին յստակ ուղերձներ է փոխանցում, որ այդ երկրի կողմից Հայաստանի տարածքային ամբողջականութեան ցանկացած խախտում անընդունելի է եւ ծանր հետեւանքներ կ’ունենայ ԵՄ-Ադրբեջան յարաբերութիւնների վրայ. այս մասին ասել է ԵՄ արտաքին յարաբերութիւնների խօսնակ Պետէր Ստանոն՝ անդրադառնալով Ադրբեջանի նախագահ Իլհամ Ալիեւի՝ Հայաստանի նկատմամբ տարածքային յաւակնութիւններ ու սպառնալիքներ պարունակող վերջին յայտարարութիւններին։
«Մենք սերտ կապի մէջ ենք եղել Հայաստանի եւ Ադրբեջանի ղեկավարութեան հետ՝ առանց յոգնելու կրկնելով մեր աջակցութիւնը երկու երկրների ինքնիշխանութեանը, տարածքային ամբողջականութեանը եւ հիմնախնդիրները բացառապէս խաղաղ ճանապարհով լուծելուն։ Մեր հաղորդակցութեան ուղիները մնում են բաց։
ԵՄ-ն օգտագործում է բոլոր հնարաւորութիւնները Ադրբեջանին յստակ ուղերձներ հաղորդելու, որ Հայաստանի տարածքային ամբողջականութեան ցանկացած խախտում անընդունելի է եւ ծանր հետեւանքներ կ’ունենայ մեր յարաբերութիւնների վրայ։
Մենք մնում ենք հաստատուն այս դիրքորոշման մէջ։ Եւրոպական խորհրդի նախագահ Շառլ Միշելը, Բարձր ներկայացուցիչ Ժոզեպ Բորելը եւ ԵՄ յատուկ ներկայացուցիչ Տոյուոյ Կլաարը շարունակում են իրենց ներգրաւուածութիւնը Հայաստանի եւ Ադրբեջանի միջեւ կայուն եւ տեւական խաղաղութեան հաստատման համար», – ասել է Ստանոն։
Փաստօրէն Արցախի շրջափակումն ու ազգաբնակչութեան փախւտական դարձնելը ոչ մի «ծանր հետեւանքներ» չունենցան Եւրոպայի և Ադէբեչանի յարաբերութիւնների վրայ։
