Հայ գերիների «դատը» Բաքւում. «հարցաքննել» են Արցախի ԱԺ նախագահին
Բաքւում ղարաբաղեան ռազմաքաղաքական ղեկավարութեան «դատաւարութեան» հերթական նիստին «հարցաքննուել» է Արցախի Ազգային ժողովի նախագահ Դաւիթ Իշխանեանը:
Ադրբեջանական լրատուամիջոցների փոխանցմամբ՝ Դաւիթ Իշխանեանն իբր յայտարարել է, թէ ղարաբաղեան առաջին պատերազմի ժամանակ ինքը ՝ որպէս գումարտակի հրամանատար, ենթարկուել է Մոնթէ Մելքոնեանին, իսկ բանակի հրամանատարն այն ժամանակ եղել է Սամուել Բաբայանը: Մեջբերւում է նրա «խոստովանութիւնը», որ նա կռուել է ադրբեջանցի զինծառայողների դէմ Մարտակերտում, Մարտունիում, Քարովաճառում եւ Աղդամում։
Նրան վերագրւում են խօսքեր այն մասին, որ 90-ականների իրադարձութիւնների ռազմավարական նպատակը «Ղարաբաղը Հայաստանին միացնելն էր»։
Յաջորդ դատական նիստը տեղի կ’ունենայ ապրիլի 4-ին:
