Լկտիութիւնն հասել է այն աստիճանի, որ առաւօտեան ոստիկանութեան կազմակերպուած յանցագործ մի խումբ փորձ էր անում մօտք գործել «Սիմոն Վրացեան» կենտրոն՝ բերման ենթարկելու մարդկանց։ Այս մասին լրագրողների հետ զրոյցում նշել է ՀՅԴ Հայաստանի ԳՄ ներկայացուցիչ, «Հայաստան» խմբակցութեան պատգամաւոր Իշխան Սաղաթելեանը՝ ընդգծելով, որ թոյլ չէն տուել ոստիկաններին մտնել շէնք։ «Սա յանցագործութիւն է, որն անպատասխան եւ անպատիժ չի մնալու։ Ոստիկանութիւնը պէտք է հասկանայ, որ կատարում է ոչ թէ ցեղասպանութեան յանցակից, յանցագործ Նիկոլ Փաշինեանի հրահանգները, այլ ուղիղ Ալիեւի հրահանգները։ Եւ այս պարագային Փաշինեանը Ալիեւի հրահանգներն է փոխանցում նրանց»։ Ընդդիմադիր գործիչը յաւելեց, որ հաղորդում է ներկայացուել ՀՀ գլխաւոր դատախազութիւն, միջազգային կառուցներին տեղեակ է պահուել։
Առաւոտեան՝ ոստիկանութեան 6 տասնեակից աւելի ծառայողներ փորձել են ներխուժել ՀՅԴ «Սիմոն Վրացեան» կենտրոն, սադրելով եւ յարձակուելով գրասենեակ անօրինական մուտքն արգելող կուսակցութեան ղեկավար անդամների նկատմամբ: Երեք տասնեակ ոստիկաններ շրջապատել էին ՀՀ ԱԺ «Հայաստան» խմբակցութեան պատգամաւոր, ՀՅԴ Հայաստանի ԳՄ նախագահ Աշոտ Սիմոնեանին, հարուածում էին պատգամաւորին ու քաշքշում։
«Դաշնակցութիւնը, աեօ՛, իր ամբողջ ուժերով ներգրաւուած է Շարժման մէջ, ամէն ինչ անելու է, որ այս Շարժումը յաջողի։ Մենք այս Շարժման ամբողջական աջակիցն ենք, Սրբազանի կողքը կանգնած ենք եւ մեր հնարաւորութիւններով շարունակելու ենք պայքարը։ Այս բոլոր բռնութիւնները որեւէ կերպ չէն կարող Դաշնակցութեանը ետ պահել այս պայքարից, ընդհակառակը, մէզ ստիպում է, որ աւելի կտրուկ, վճռական, հետեւողական լինենք մեր պահանջների մէջ եւ շարունակելու ենք։
Ես կոչ կ’անեմ նաեւ բոլոր այն քաղաքական ուժերը, անհատները, գործիչները, որոնք այս ընթացքում իրենց աջակցութիւնն են յայտնել Շարժմանը իրենք եւս, չնայած այս օրերին բազմաթիւ ուժեր փողոցում են, ամբողջ ծաւալով ներգրաւուէն, որովհետեւ այս սրբազան պայքարն այլընտրանք չունի, պէտք է հասցնենք իր յաղթական աւարտին»,-ասաց Իշխան Սաղաթելեանը։
Մանրամասն՝ տեսանիւթում
