Հերթական անգամ արդէն մեր երկրի դաւաճան իշխանութիւնը արգելում է դաշնակցականների մուտքը Հայաստան, արգելում է Հայ դատի պաշտպանների մուտքը Հայաստան։
Լաւ, դաշնակցականներին արգելեցիր, իսկ դաշնակցականութեան մուտքը Հայաստան ո՞նց ես արգելելու։ Չէ որ դաշնակցականութիւնը ապրելակերպ է, մտածողութիւն։
Դու շատ լաւ գիտես, որ իւրաքանչիւր հայրենասէր հայի մէջ գոնէ մի քիչ դաշնակցականութիւն կայ՝ անկախ նրա կուսակցական պատկանելիութիւնից։ Դաշնակցականութեան մուտքը չէ՛ս կարող արգելել։
Այդ արգելանքները ցոյց են տալիս, թէ ինչքն ամուր է դաշնակցութիւնը բռնել իշխանութիւնը կորցնելու քո վախերը։
Այդ արգելանքները ցոյց են տալիս, թէ ինչքան ամուր է դաշնակցութիւնը բռնել հայրենիքը դաւաճանաբար թշնամուն յանձնելու քո քայլերը բացայայտուելու նկատմամբ քո վախերը։
Այդ արգելանքները ցոյց են տալիս, թէ ինչքան ամուր է դաշնակցութիւնը բռնել ի սկզբանէ երկիրը կործանման տանելու, պետութիւնը քանդելու քո ծրագրերը բացայայտուելու նկատմամբ քո վախերը։
Այդ արգելանքները ցոյց են տալիս, որ — Դու համոզուած ես, որ դաշնակցութիւնը այն ուժն է, որ երբեք հայրենիքը փրկելու, հայրենիքն ազատագրելու, հայրենիքն ամրացնելու իր ծրագրերից չի հրաժարուելու։
— Դու համոզուած ես, որ դաշնակցութիւնը ամէն ինչ կ’անի այդ ամէնը կեանքի կոչելու համար, դրա համար ունի համարժէք ներուժ։
— Դու վախենում ես, որ դաշնակցութիւնը պատասխան է պահանջելու քեզանից ու քո թիմից՝ դաւաճանութեան համար։
— Դու հէնց դրանից ես վախենում, բայց համոզուած եղիր, որ արգելանք դնելով Հայաստան մուտքի վրայ, դու ինքդ հանրութեան ուշադրութիւնը հրաւիրում ես հէնց դաշնակցութեան հայենասէր, ազգանուէր գործունէութեան վրայ։
— Դու դրանով հայրենասէր, պետականամէտ հանրութեանը աւելի ես համախմբում դաշնակցութեան շուրջ։ Համոզուած եղիր, փոս փորողն ինքն է ընկնում իր փոսը…
Արմենուհի Կիւրեղեան
ՀՅԴ անդամ, ԱԺ պատգամաւոր
