Արցախը մեր հայրենիքի անբաժան մասն է, որը թշնամու կողմից օկուպացուելուց առաջ օտարուել եւ Ադրբեջանի մաս էր յայտարարուել ՀՀ «իշխանութեան» կողմից։
Այդուհանդերձ, ի հեճուկս Ալիեւի եւ Նիկոլի, Արցախի էջը փակուած չէ։
Համակերպուել Արցախի կորստի հետ, հրաժարուել մեր սերունդների անօտարելի իրաւունքներից նշանակում է մասնակիցը լինել թշնամու ծրագրերի իրագործմանը, յանցակից դառնալ Նիկոլ Փաշինեանին։
Ըստ այդմ,
– Միջազգային, տեղեկատուական բոլոր մակարդակներում պէտք է փաստել, որ տեղի է ունեցել էթնիկ զտում, ցեղասպանութիւն,
– Արցախի պետական ինստիտուտները՝ Նախագահ, Ազգային ժողով եւ այլն, պէտք է պահպանուէն եւ գործեն,
– Արցախահայութեան քաղաքական, սոցիալական, աշխատանքային եւ մնացած բոլոր իրաւունքները ՀՀ֊ում պէտք է պաշտպանուած լինէն։
Գերութեան մէջ գտնուող Արցախի ղեկավարութեան եւ այլ անձանց հայրենիք վերադարձնելու համար պէտք է ձեռնարկել գործուն քայլեր։
Այս ուղութիւններով իրականացուող աշխատանքները գերակայ են եւ հանդիսանում են մեր ամենօրեայ գործունէութեան կարեւոր մասը։ Բայց այդ աշխատանքն աւելի համակարգուած առաջ տանելու խնդիր ունենք։
Միեւնոյն ժամանակ մէկ անգամ եւս պնդում ենք, որ ի դէմս ՀՀ օրուայ «իշխանութեան»՝ թշնամին ներկայացուած է նաեւ երկրի ներսում։ Դրա հետեւանքով է ՀՀ֊ում այսօր էլ շարունակւում Արցախի պետականութեան կործանման, արցախահայութեան տարրալուծման, ոչնչացման, հայրենազրկման անդառնալի ու վերջնական դարձնելու գործընթաց֊ծրագիրը։
Իշխան Սաղաթելեան
ՀՅԴ Հայասատնի Գերագոյն մարմնի ներկայացուցիչ, ՀՀ ԱԺ «Հայաստան» խմբակցութեան պատգամաւոր
