Ադրբեջանի ԶՈւ-ն կրակ է բացել Տաւուշի, Գեղարքունիքի հայկական դիրքերի ուղղութեամբ, Իշխանասարի ուղղութեամբ տեղաշարժ իրականացրել: Ապրիլի 5-ի լոյս 6-ի գիշերը Ադրբեջանի ԶՈՒ ստորաբաժանումները սահմանագոտու մի շարք
Category: Հայաստան
Թաթուլ Կրպէյեանի անուան այգու մի մասը սեփականաշնորհուել եւ 2.6 մլն դոլարով վաճառքի է հանուել
Տիրայր Մուրադեան Երեւանի Նոր Նորք վարչական շրջանի Թաթուլ Կրպէյեանի անուան զբօսայգուց մօտ 2000 քմ տարածք վաճառքի է հանուել։ 2.6 միլիոն դոլարով վաճառուող հողամասը տարիներ առաջ
Լեմկինի ինստիտուտը հանրութեանը կոչ է արել հայ գերիների կապակցութեամբ
Լեմկինի ցեղասպանութիւնների կանխարգելման ինստիտուտը միջազգային հանրութեանը կոչ է արել համոզել Ադրբեջանի նախագահ Իլհամ Ալիեւի ռեժիմին ազատ արձակել Բաքւում պահուող հայ ռազմագերիներին, առեւանգուած քաղաքացիական անձանց եւ
Երեւանում տեղի ունեցաւ ՀՕՄ-ի Արցախի միաւորի անդամական հաշուետու ժողովը
Սպրիլի 5-ին Երեւանի «Արամ Մանուկեան«» կենտրոնում տեղի ունեցաւ ՀՕՄ-ի Արցախի միաւորի անդամական հաշուետու ժողովը։ Արցախի վարչութեան անդամները հաշուետուութիւն ներկայացրին տեղահանումից յետոյ միաւորի կատարած աշխատանքների մասին։ Տեսակապի
ՀՅԴ ՆԱՈՒՄ-ի իրազեկման ակցիան
ՀՅԴ Նիկոլ Աղբալեան ուսանողական միութիւնը իրազեկման ակցիայ է իրականացրել Դալմայ Գարդէն մոլում։ Ակցիայի նպատակն է հանրութեանը իրազեկել Տաւուշում միակողմանի զիջումների հետեւանքների մասին։ ՀՅԴ ՆԱՈՒՄ-ը տարածել
Ցեղասպանութեան վտանգը Հայաստանի ինքնիշխան տարածքի վրայ
Ցեղասպանութեան վտանգը տարածուել է Հայաստանի ինքնիշխան տարածքի վրայ. Լեմկինի ինստիտուտն ամենաբարձր նախազգուշացումն է յայտարարել Լեմկինի Ցեղասպանութեան կանխարգելման ինստիտուտը երրորդ անգամ է յայտարարել կարմիր դրօշի ահազանգ
Պաշտօնապէս Ադրբեջանում պահւում են 23 հայեր, շուրջ 80 բռնի անյետացման դէպքեր կան. Սիրանուշ Սահակեան
Պաշտօնապէս Ադրբեջանում պահւում են 23 հայեր, շուրջ 80 բռնի անյետացման դէպքեր կան, 210 գերեւարուած անձինք Ադրբեջանից հայրենադարձուել են: Գերիների կամ Ադրբեջանում պահուող քաղբանտարկեալների խնդիրը մշտապէս
Հայաստանում պատասխանատուութեան գօտին «երկկողմանի կարգաւորուած» պետական սահմաններում է. ՀԱՊԿ
ՀԱՊԿ-ը Հայաստանում իր պատասխանատուութեան ոլորտն է համարում Հայաստանի ինքնիշխան տարածքը՝ կարգաւորուած պետական սահմաններում։ Այդ մասին РБК կայքին յայտնել են ՀԱՊԿ-ից։ Այդպէս կառոյցն արձագանքել է Հայաստանում
Մեր ապագայի վերաբերեալ վճիռը խաւարինն ու մահւանը չէ, այլ կեանքինն ու յարութեանը, Գարեգին Բ.
Ն.Ս.Օ.Տ.Տ. ԳԱՐԵԳԻՆ Բ ԱՄԵՆԱՅՆ ՀԱՅՈՑ ԿԱԹՈՂԻԿՈՍԻ ՊԱՏԳԱՄԸ ՄԵՐ ՏԷՐ ՅԻՍՈՒՍ ՔՐԻՍՏՈՍԻ ՀՐԱՇԱՓԱՌ ՅԱՐՈՒԹԵԱՆ ՏՕՆԻ ԱՌԻԹՈՎ Յանուն Հօր եւ Որդւոյ եւ Հոգւոյն Սրբոյ. ամէն։ «Զսուրբ եւ զհրաշալի եւ զյաղթող զյարութիւնդ Քո օրհնեմք եւ փառաւորեմք» (Ժամագիրք): Սիրելի բարեպաշտ հաւատացեալներ, Մեր Տէր Յիսուս Քրիստոսի Հրաշափառ Յարութեան աւետիսն է հնչում այսօր մեր եկեղեցիների սուրբ խորաններից։ Սքանչելախորհուրդ աւետիսը յոյսով ու հոգենորոգ զգացումներով է պարուրում հայրենիքի ու ազգային կեանքի ցաւերով ու կորուստներով դառնացած մեր սրտերը։ Կեանքը յաղթանակել է, մահը պարտւել ու խորտակւել։ Հաւատքով ու առ Աստւածապաւինութեամբ միասնաբար օրհնաբանենք Տիրոջը ժամասացի խօսքերով. «Սուրբ եւ հրաշալի եւ յաղթող Քո Յարութիւնը օրհնում ենք եւ փառաւորում»։ Քրիստոս Իր Յարութեամբ մարդկութեանը ազատել է չարի իշխանութիւնից, ցոյց տւել ներման եւ սիրոյ ճանապարհը, հաշտութիւն հաստատել մարդու եւ Աստծոյ միջեւ եւ ընծայել յաւիտենական կեանքի յոյսն ու շնորհը։ Աստւած որդու ողորմածութեամբ կեանքի արշալոյսն է տարածւել մահւան խաւարի վրայ։ Կենարար խաչը, որի վրայ յեղւեց Տիրոջ Սուրբ Արիւնը, մահւան հանդէպ յաղթութեան նշան է դարձել, Յարութեան հաւատը՝ չարին պարտութեան մատնելու երկնապարգեւ ուժ։ Այո, սիրելիներ, յաղթող է, սուրբ եւ հրաշալի Քրիստոսի Յարութիւնը։ Աշխարհի յարափոփոխ իրադարձութիւնների եւ յատկապէս բարդ ու դժւարին իրավիճակների մէջ Յարութեան շնորհներով հաւատացեալները զօրանում են՝ վեր հառնելու փորձութիւններից, մերժելու կորստաբեր երեւոյթներն ու կործանարար մտածումներն ու գործերը, յաղթահարելու աղէտաբեր պատերազմների արհաւիրքները, նորոգւելու Տիրոջով, ինչպէս որ Սուրբ Գիրքն է վկայում. «Եթէ մէկը Քրիստոսի մէջ է, նա նոր արարած է» (Բ Կորնթ. 5.17)։ Համայն մարդկութեանն այսօր էլ հնչում է հրաւէրը առաջնորդւելու աստւածադիր պատւիրաններով, մահւան հանդիման կերտելու կեանքի յաղթանակը, անվեհեր պաշտպանը լինելու ճշմարտութեան ու արդարութեան եւ առանց Աստծոյ մեռեալ գոյութիւնը փոխարինելու Տիրոջ հետ յարուցեալ կեանքի։ Այս կոչին ականջալուր, «վասն հաւատոյ, վասն հայրենեաց» սրբազան ուխտով միաբանւած՝ պատմութեան հոլովոյթներում դիմակայել ենք բազում դժւարութիւնների ու փորձութիւնների։ Յարութեան հաւատի վկայութիւնը նաեւ մեր օրերում հռչակումն է մեր ժողովրդի դաւանանքի եւ ազգային սրբազան արժէքներին հաւատարմութեան, որոնք դարեր շարունակ երաշխիքն են եղել հայոց ազգի ինքնութեան ու լինելութեան, դպրութեան ու գիտութեան զարգացման։ Հարկ է այս արժէքներով սերունդներ կրթել եւ անաղարտ ու անկորուստ պահպանել մարդկութեան գիտամշակութային գանձարանը հարստացրած մեր նախնեաց աւանդներն ու ժառանգութիւնը։ Սիրելի բարեպաշտ զաւակներ ի Հայաստան եւ ի սփիւռս, Տիրոջ Սուրբ եւ Հրաշափառ Յարութիւնը գօտեպնդող խրախոյս է ամենքիս յոյսով ու արիութեամբ դիմագրաւելու մեր երկրի առջեւ ծառացած մարտահրաւէրները՝ յատկապէս յետպատերազմեան այս ծանր շրջանում, երբ բռնազաւթւած ու հայաթափւած է Արցախը, եւ չեն դադարում Ադրբեջանի ծաւալապաշտական ու սադրիչ գործողութիւնները նորանոր պահանջներով, որոնք անմիջական սպառնալիքներ են ստեղծում մեր պետութեան անվտանգութեանը։ Յանցագործ դրսեւորումներով շարունակւում են Արցախի պատանդառւած քաղաքական ղեկավարութեան եւ անօրինաբար գերութեան մէջ պահւող մեր զաւակների նւաստացումները, ինչպէս եւ արցախահայութեան իրաւունքների անտեսման, Արցախում հայկական հոգեւոր–մշակութային ժառանգութեան իւրացման ու ոչնչացման անթաքոյց քաղաքականութիւնը։ Դատապարտելի այս իրողութիւնների հանդիման մեր ժողովրդի սեպուհ պարտքն է յաղթահարել ներազգային տարաձայնութիւններն ու անմիաբանութիւնը, լծւել ծանր կորուստներ կրած մեր ազգի վերքերի ամօքմանը եւ կարողութիւնների մէկտեղմամբ հայրենիքի հզօրացմանը։ Յարուցեալ կեանքը, հիրաւի, սկսւում է քրիստոսաւանդ պատգամներով ապրելուվ ճռականութեամբ, արհաւիրքներից ու տառապանքներից դէպի կենսանորոգ ձեռքբերումներ առաջին քայլից։ Այս գիտակցութիւնը, այս ոգին պիտի աննկուն պահենք մեզանում, չընկրկենք մեզ պատուհասած փորձութիւնների դիմաց, չգործենք պարտւողական հոգեբանութեամբ եւ չվերածւենք վհատւած ու տկար ազգի՝ վտանգելով մեր հայրենիքի ապագան եւ անկախ պետականութիւնը։ Մեր ընթացքը չի վերջանում մեր մարտիրոսների ու քաջորդիներին ահատակութեան վայրերում եւ ոչ էլ Արցախում թողնւած շիրիմների մօտ։ Չարի կողմից մեզ համար փորւած գերեզմանը բոլոր ժամանակներում թափուր է մնալու, քանզի մենք Քրիստոսի հետ նեղութիւնները յաղթահարող եւ ամէն գողգոթայից յարութեան հաւատքով յառնող ժողովուրդ ենք։ Արդարեւ, մեր ապագայի վերաբերեալ վճիռը խաւարինն ու մահւանը չէ, այլ կեանքինն ու յարութեանը։ Աստծոյ հետ հզօր հաւատքով, անընկճելի կամքով ու ոգով վերհառնել կարող է ոչ միայն անհատը, այլեւ ազգն ու պետութիւնը։ Մեր ժողովրդի համար ներկայ բարդ պայմաններում կենսական եւ հրամայական է մեր երկրի հզօրացումը, կենսական է ապրել ու գործել անսակարկ հայրենասիրութեամբ ու ազգանւիրումով։ Այս հաստատակամ ընթացքով կարող պիտի լինենք կերտելու նոր հորիզոնները մեր պատմութեան եւ վերազարթօնքը պետական, ազգային–եկեղեցական մեր արժանապատիւ կեանքի։ Այսպէս իրականութիւն պիտի լինի առաքեալի բացականչութիւնը նաեւ մեր ժողովրդի համար. «Ո՞ւր է, մա՛հ, քո յաղթութիւնը, ո՞ւր է, գերեզման, քո խայթոցը» (Ա Կորնթ. 15.55): Արդ, վառ պահենք մեր սրտերում առ հարուցեալ Քրիստոս մեր հաւատը, յոյսն ու սէրը, գալիքի բարի ակնկալութիւնը։ Աստւած մեզ կոչում է յարութեան, ուստի, թօթափենք մեզանից երկիւղն ու յուսահատութիւնը, հեռացնենք մեզանից ատելութիւնն ու թշնամանքը, պիղատոսեան ու յուդայական գործելակերպը, մեր աչքերը հառենք հարուցեալ Փրկչին եւ ընթանանք միմիայն յարութեան յաղթական ճանապարհով։ Այս մաղթանքով եւ Սուրբ Յարութեան աւետիսով ողջունում ենք մեր Սուրբ Եկեղեցու Նւիրապետական Աթոռների գահակալներին՝ Ն.Ս.Օ.Տ.Տ. Արամ Ա Մեծի Տանն Կիլիկիոյ Կաթողիկոսին, Երուսաղէմի Հայոց Պատրիարք Ամենապատիւ Տ. Նուրհան արքեպիսկոպոս Մանուկեանին, Կոստանդնուպոլսի Հայոց Պատրիարք Ամենապատիւ Տ. Սահակ արքեպիսկոպոս Մաշալեանին, քոյր Եկեղեցիների հոգեւոր Պետերին՝ հայցելով Ամենակալ Աստծոյ զօրակցութիւնը իրենց առաքելութեան արդիւնաւորման մէջ։ Հայրապետական Մեր սէրն ու օրհնութիւնն ենք յղում մեր Սուրբ Եկեղեցու ողջ հոգեւոր դասին եւ հաւատաւոր համայն Մեր ժողովրդին ի հայրենիս եւ ի սփիւռս։
Հայաստանի Հանրապետութիւնը կարիք ունի որակապէս նոր իշխանութիւնների
ՅԱՅՏԱՐԱՐՈՒԹԻՒՆ Հայաստանի համար ստեղծուած անվտանգային եւ գոյութենական աննախադէպ վտանգներն ու աշխարհաքաղաքական աճող լարուածութեան ֆոնին օրուայ իշխանութիւնների վարած հակապետական եւ հակազգային արտաքին քաղաքականութիւնը մէզ պարտադրում են