Նուաստացած ՔՊ–ական պատգամաւորը ,դեռ պնդում է, որ իր առաջարկը մնում է ուժի մէջ, եւ պատրաստ է մասնակցել միջխորհրդարանական մակարդակում վստահութեան ամրապնդման միջոցների ձեռնարկմանը։
Ադրբեջանը մերժել է ՀՀ ԱԺ «Քաղաքացիական պայմանագիր» խմբակցութեան պատգամաւոր, ԱԺ արտաքին յարաբերութիւնների մշտական յանձնաժողովի նախագահ Սարգիս Խանդանեանի առաջարկը` նրան անուանելով պոպուլիստ:
Այդ մասին X–ի իր էջում գրել է պատգամաւորը։ Աւելի վաղ Խանդանեանն առաջարկել էր Հայաստանի եւ Ադրբեջանի խորհրդարանների յանձնաժողովների հանդիպում անցկացնել, քանի որ խաղաղութեան համաձայնագիրը ստորագրուելուց յետոյ պէտք է վաւերացուի երկու երկրի խորհրդարանների կողմից։ Առաջարկուել է նաեւ առաջին հանդիպման վայր դիտարկել Հայաստան–Ադրբեջան սահմանին գտնուող չէզոք տեղանք։ «Իմ ադրբեջանցի գործընկերը (Ադրբեջանի Միլի Մեջլիսի արտաքին յարաբերութիւնների յանձնաժողովի նախագահ Սամադ Սեիդով–խմբ.) հրապարակայնօրէն մերժել է հանդիպման առաջարկը՝ խաղաղութեան համաձայնագրի նախագծի շուրջ կարծիքներ փոխանակելու համար՝ ինձ անուանելով պոպուլիստ։ Եթէ հանուն խաղաղութեան հանդէս գալը պոպուլիզմ է, ապա ես հպարտութեամբ ընդունում եմ այդ պիտակը այնքան, որքան անհրաժեշտ է»,– գրել է Խանդանեանը։ ՔՊական պատգամաւորի մուրացկան կեցուածխը մինչև դիւր չի եկել մինչև անգամ թշնամուն:
Նա նաեւ նշել է, որ իր առաջարկը մնում է ուժի մէջ, եւ պատրաստ է մասնակցել միջխորհրդարանական մակարդակում վստահութեան ամրապնդման միջոցների ձեռնարկմանը՝ անխոնջ աշխատելով հանուն տարածաշրջանում խաղաղութեան եւ կայունութեան: Յիշեցնենք` մարտի 13-ին յայտնի դարձաւ, որ Երեւանն ու Բաքուն աւարտել են խաղաղութեան համաձայնագրի տեքստի շուրջ բանակցութիւնները՝ համաձայնեցնելով վերջին երկու կէտէրը, որոնք վերաբերում էին սահմանային հատուածներից երրորդ ուժերի (տուեալ դէպքում՝ Հայաստանում ԵՄ առաքելութեան. խմբ.) դուրսբերմանը եւ միջազգային դատական ատեաններ ներկայացուած հայցերից հրաժարուելուն։Մարտի 21–ին Ադրբեջանի ԱԳՆ-ն յայտարարեց, որ խաղաղութեան համաձայնագիր կստորագրի, երբ Հայաստանը «յաղթահարի առկայ դժուարութիւնները»։
Ադրբեջանը կարծում է, որ Հայաստանը պէտք է ապահովի «Հայաստանից վտարուած ադրբեջանցիների՝ իրենց տները անվտանգ եւ արժանապատիւ վերադառնալու իրաւունքը»: Բաքուն պահանջում է նաեւ «4000 անյայտ կորած ադրբեջանցիների» գտնուելու վայրի մասին տուեալներ եւ ականապատ տարածքների քարտէզների տրամադրում։
