Մասնագիտական բռնցքամարտի գերմիջին քաշային կարգին Բռնցքամարտի համաշխարհային կազմակերպութեան (WBO) աշխարհի նախկին ախոյեան Արթուր Աբրահամը Միացեալ Նահանգներու մէջ բռնցքամարտի միջազգային Փառքի սրահին մէջ ընդգրկուելու թեկնածու դարձած է։ Տեղեկութիւնը յայտնած է գերմանական «Bild» պարբերականը։
Համապատասխան որոշումն ընդունուած է ընթացիկ տարուան դեկտեմբերին։
Արթուր Աբրահամը Բռնցքամարտի միջազգային ֆետէրացիայի (IBF) միջին քաշային կարգի աշխարհի ախոյեան է (2005-2010), երկրորդ միջին քաշային կարգի Բռնցքամարտի համաշխարհային խորհուրդի (WBC) աշխարհի ախոյեան է (2012-2013, 2014-2016): Ան 2006, 2009 եւ 2012 թուականներուն Գերմանիոյ մէջ «ՊօքսՍփորթ» ամսագրի կողմէ ճանաչցուած է «Տարուան բռնցքամարտիկ»: 2015 թուականին անոր շնորհուած է Երեւանի պատուաւոր քաղաքացիի կոչում։
2023 թուականի 2-11 իւնիսին, Քանասթոթայի մէջ տեղի պիտի ունենան հանդիսութիւններ՝ Փառքի սրահին մէջ ընդգրկուելու համար։
