Ստեփանակերտի քաղաքապետին կալանքի տակ պահելը ես համարում եմ քաղաքական հետապնդում` կապուած իր կողմից վերջիբ շրջանում Բագրատ Սրբազանի շարժմանը միանալու կամ աջակցելու հետ: Այս մասին այսօր` յունիսի 13-ին, դատարանի բակում յայտարարեց Արցախի նախագահ Սամուել Շահրամանեանը:
«Ուզում եմ նշել, որ արցախցիները, ինչպէս նաեւ ՀՀ ցանկացած քաղաքացի իրաւական եւ բարոյական բոլոր իրաւունքները ունեն մասնակցելու իրենց իսկ նախընտրած շարժմանը եւ արտայայտել իրենց կարծիքը, քանի որ մենք համարում ենք, որ Արցախի քաղաքացիները հանդիսանում են նաեւ ՀՀ քաղաքացիներ, ունեն անձնագրեր, չնայած ՀՀ կառավարութիւնը համապատախան որոշմամաբ մէզ համարել է յատուկ պաշտպանութեան անձինք»,-ասաց նա:
Շահրամանեանը նաեւ դատապարտեց նախօրեին տեղի ունեցած ոստիկանական գործողութիւնները եւ ասաց, որ ոստիկանութիւնը պէտք է զերծ մնա բռնի ուժ կիրառելուց:
