Արցախի Հանրապետութեան Ազգային ժողովի նախագահի պարտականութիւնները կատարող Գագիկ Բաղունցի յայտարարութիւնը
Արձագանքելով ՀՀ ԱԺ նախագահ Ա. Սիմոնեանի այսօրուայ յայտարարութեանը՝ միջխորհրդարանական յանձնաժողովի ֆորմատը լուծարելու մասին, կ’ուզէնայի նախ մէջբերել Մարկ Տուենի հետեւեալ տողերը՝ «Իմ (ԱՀ ԱԺ) մահուան մասին լուրը խիստ չափազանցուած է»:
Ինչ վերաբերում է ԱՀ ԱԺ գործունէութեանը 2023թ սեպտեմբերին տեղի ունեցած էթնիկ զտումից յետոյ, նշեմ, որ ԱՀ ԱԺ պաշտօնեաները/ պատգամաւորները/, ստանալով Արցախի ժողովրդի քուէն 5 տարի ժամկէտով, շարունակում են ստեղծուած իրավիճակում պատասխանատուութիւն կրել արցախահայութեան ճակատագրի վերաբերեալ եւ հնարաւոր բոլոր ջանքերը գործադրել անվտանգութեան երաշխիքների ներքոյ ապահովելու նրանց հաւաքական վերադարձը հայրենիք:
ՀԳ 1. Ինչ վերաբերում է միջխորհրդարանական յանձնաժողովի ֆորմատը լուծարելուն, ապա դրա համար կան արձանագրուած համապատասխան մեխանիզմներ:
ՀԳ 2. Ի դէպ ԱՀ ԱԺ միջխորհրդարանական ու բարեկամական խմբերի աշխատանքներն ու յարաբերութիւնները շարունակւում են Ֆրանսիայի, Կիպրոսի, Հունաստանի, Բելգիայի եւ այլ երկրների խորհրդարանականների եւ խմբերի հետ։
