«Արցախեան օրագիր» շարքը ՀՅԴ Արցախի երիտասարդական միութեան անդամների անցած ճանապարհի փաստաւաւեր արտացոլումն է՝ սկսած 2022-ի դեկտեմբերին Արցախի պատմական հողին դրուած շրջափակման անգութ օրերից մինչեւ 2023-ի սեպտեմբերեան տեղահանութեան դաժան իրականութիւն։
«Արցախեան Օրագիր»-ն այն կամուրջն է, որ միացնում է անցեալի ցաւը ներկայի պահանջատիրութեանը։ «Արցախեան Օրագիր»-ն այն երիտասարդների ձայնն է, ովքեր, կորցնելով հայրենի տունը, չէն հրաժարուել իրենց արմատներից ու պայքարից, շարունակում են մնալ պահանջատէր՝ իրենց հայրենիքի եւ իրաւունքների համար։ Նրանց պատմութիւնները՝ որպէս անյատական ու կոլեկտիւ յիշողութեան մաս, վկայում են ոչ միայն անարդարութեան դէմ պայքարի, այլեւ հայ երիտասարդութեան կամքի ու նուիրումի մասին։
Այս շարքը կոչ է՝ չմոռանալ, չհամակերպուել ու յիշել Արցախի պատմութիւնը՝ որպէս արդարութեան ու ազատութեան համար անաւարտ պայքարի խորհրդանիշ, որովհետեւ հայ երիտասարդութեան կամքը, ինչպէս երբեք, այսօր էլ մնում է անկոտրում։
