«Լորիկ» մարդասիրական հիմնադրամի ղեկավար Շանթ Չարչաֆեանը Alpha News-ի հետ զրոյցում պատմել է, թէ որն է եղել հիմնադրամի ստեղծման շարժառիթը ։
«Լորիկ մարդասիրական հիմնադրամի միտքը ծնուել է 44-օրեայ պատերազմի ժամանակ։
Ես միշտ ցանկացել եմ վերադառնալ հայրենիք, հայրենադարձ լինեմ։ Պատէրազմին, ինչպէս կարող էինք, փորձում էինք օգնել մարդկանց։ Երբ նոյեմբերի 9-ին ստորագրուեց այդ համաձայնագիրը, որոշեցինք շարունակել հիմնադրամի աշխատանքը ու գնացինք Արցախ։ Հենց այնտեղ հիմնեցինք «Լորիկ»-ը։
Ես ու կինս Արցախի հայաթափման ժամանակ ենք ունեցել մեր երկրորդ երեխային՝ հէնց ռմբակոծութեան տակ։ Այնուհետեւ բոլորի հետ տեղահանուել ենք Արցախից»,- ասել է մեր զրուցակիցը։
Նա նաեւ նշել է, որ Արցախը միշտ պիտի լինի հայկական։
«Արցախցին պիտի վերադառնայ, Արցախը նորից պիտի լինի հայկական։ Եթէ այդպէս չլինի, ապա Հայաստանը չի կարող գոյատեւել առանց Արցախի»,- նշել է Շանթ Չարչաֆեանը։
