Գլենդել-Օրակարգ
Յուլիս 6-ի առաւօտեան ՀՅԴ Արևմտեան Ամերիկայի Միացեալ Նահանգների Կենտրոնական Կոմիտէի Պատուիրակութիւնը հանդիպում ունեցաւ ՀՀ արտակարգ դեսպանորդ և լիազօր նախարար՝ Նելլի Սարոյեանի հետ:
ՀՅԴ պատուիրակութեան մաս էին կազմում Կեդրոնական Կոմիտէի ներկայացուցիչ՝ Տարօն Տէր Խաչատուրեան, Կենտրոնական Կոմիտէի անդամներ՝ Յովիկ Սալիպան և Լաուրա Յակոբեանը: Նելլի Սարոյանին ընկերակցում էր հիւպատոսարանի խորհրդական՝ Վարազդատ Պահլաւունին:
ՀՅԴ պատուիրակութիւնը ներկայացրել է պաշտօնական նամակ ուղղուած ՀՀ Արտաքին Գործերի Նախարարութեան, որը պարունակում է ՀՅԴ Արևմտեան ԱՄՆ շրջանի կոչը ՀՀ արտգործնախարարութեան անձնակազմին և դիւանագիտական ներկայացուցիչներին, պահանջելով որ վերջինները մաս չկազմեն որևէ գործընթացի որը հակասում է Հայաստանի ու հայութեան ազգային շահերին:
Հանդիպման առիթը օգտագործելով կողմերի խօսել են նամակի բովանդակութեան շուրջ և մտքեր փոխանակել Հայոց Ցեղասպանութեան ճանաչման, Հայ ժողովրդի արդար պահանջատիրութեան, Հայաստանի ու Արցախի անվտանգութեան և հողային ամբողջականութեան ներառեալ Բերձորի շրջանի և Աղաւնոյի յոյժ մտահոգիչ կարգավիճակի մասին: ՀՅԴ պատուիրակութիւնը նաև շեշտել է Հայաստան-Սփիւռք յարաբերութիւնների և ՀՀ ներկայ իշխանութիւնների կողմից այդ յարաբերութիւնները վնասող գործընթացների ու յայտարարութիւնների մասին:
Հանդիպման աւարտին նաև ներկայ է գտնուել Նազելի Համբարցումեան որը ՀՀ Լոս Անջելըսի Հիւպատոսարանի նորանշանակ պաշտօնակատարն է: Համբարցումեանը ծանօթացել է պատուիրակութեան անդամների հետ:
Ստորև ՀՅԴ Արևմտեան ԱՄՆի Կենտրոնական Կոմիտէի յանձնած նամակի պատճէնը:
ՀՀ Արտաքին Գործերի Նախարար Արարատ Միրզոյեանին և անձնակազմին Հայաստանի Հանրապետութեան արտաքին գործերի նախարարութիւն Երեւան, Հայաստանի Հանրապետութիւն
Լոս Անջելեսում ՀՀ գլխաւոր հիւպատոսութեան արտակարգ դեսպանորդ և լիազօր նախարար Նելլի Սարոյեանի ձեռամբ՝
Պրն. Նախարար,
Ապրիլի 25-էն սկսեալ, Հայաստանէն ներս Դիմադրութեան շարժումը կը կազմակերպէ բազմահազարանոց հանրահաւաքներ, երթեր, ցոյցեր եւ այլ ցուցական արարքներ: Նպատակը` Հայաստանի եւ Արցախի պետականութիւններու անկման եւ երկրի թրքացման կանխումն է, որուն հասնելու նախապայմանը ՀՀ ներկայիս ազգավնաս իշխանութեան հեռացումն է:
Միւս կողմէ, իշխանութիւնը իր անփառունակ գոյութիւնը պահպանելու համար կը դիմէ ամէն տեսակի տմարդի ու բիրտ միջոցներու: Հակաիրաւական և բարոյազուրկ մեթոտներով թիրախաւորուած են Արցախի հայաթափման եւ Հայաստանի թրքացման դէմ պայքարող ուժերը եւ դերակատար առանձին գործիչները:
Վարչապետի պաշտօնը զբաղեցնող անձին իսկ խոստովանութեամբ, իշխանութիւնները կը պատրաստուին յանձնելու Բերձորն ու Աղաւնոն: Ըստ Նոյեմբեր 9ի տխրահռչակ յայտարարութեան՝ Հայաստանի Հանրապետութիւնը Արցախին կապող Բերձորի ճանապարհի այլընտրանքը պէտք է համաձայնեցուած ըլլար ՀՀ իշխանութիւններուն հետ: Այսօրուան իրականութիւնը կը փաստէ, որ կա՛յ նման գաղտնի համաձայնութիւն, ըստ որուն կառուցուող նոր ճանապարհը պիտի շրջանցէ երեք հայկական համայնքները` Բերձորը, Աղաւնոն եւ Սուսը: Իբրեւ հետեւանք այս դաւադրութեան, այս տարածքները նոյնպէս պիտի անցնին թշնամիին:
Անդին, առանց նախապայմաններու հայ-թրքական բանակցութիւններ սկսիլը կը նշանակէ զոհասեղանին դնել Հայկական հարցը, Հայ Դատի պահանջատիրութիւնը, չարիք նիւթել Սփիւռքին ու համայն հայութեան իղձերուն դէմ: Հայ-թրքական յարաբերութիւնները համազգային խնդիր է, հետեւաբար կրնան կարգաւորուիլ միայն համազգային համախոհութեամբ: Այդ բարդ գործընթացը ոչ մէկ իշխանութեան մենաշնորհն է ու չի կրնար ըլլալ, մանաւանդ՝ դաւադիր ու ապազգային ա՛յս իշխանութեան:
ՀՀ ներկայ վարչախումբը կը խուսափի յստակ բացատրելու Արցախի կարգավիճակի եւ ՀՀ պետական սահմաններուն վերաբերեալ իրենց տեսակէտը կամ դիրքորոշումը: Ան ամէն առիթով առաջ կը տանի «խաղաղութեան գործընթացին այլընտրանք չկայ» թեզը: Յստակ չէ թէ ի՞նչ են իշխանութեան կարմիր գիծերը այս շինծու «խաղաղութեան գործընթաց»ին մէջ, երբ բացայայտօրէն վտանգուած է մեր պետութեան գոյութիւնն իսկ: Թուրքիոյ եւ Ատրպէյճանի նպատակը իրենց միաւորումն է «Սիւնիքի միջանցք»ով, որ վաղը կրնայ շատ հեշտութեամբ վերածուիլ «հայաստանի միջանցք»ի, Հայաստանին վերապահելով թրքական հովանաւորութեան տակ «մշակութային ինքնավարութիւն» վայելող պետականակերպ գոյութիւն մը:
Առ այս, Հայ Յեղափոխական Դաշնակցութեան Արեւմտեան Ամերիկայի Կեդր. կոմիտէն կը կ’ակնկալէ ՀՀ արտգործնախարարութեան անձնակազմէն, դեսպաններէն եւ հիւպատոսներէն, մաս չկազմել այս ազգադաւ նախագիծին, ու ամէն ճիգ թափել ետ շրջելու հայոց պետականութիւնը կործանող այս անիւը: Պէտք է հեռու մնալ թրքական իշխանութիւններուն հետ որեւէ համաձայնութենէ, առանց յստակացնելու համահայկական բնոյթի կարմիր գիծերը։
Այսօր, իբրեւ Սփիւռք, իբրեւ հայ ժողովուրդի անքակտելի մէկ մասը, կը վերահաստատենք`
- Արցախը չի՛ կրնար գտնուիլ Ատրպէյճանի կազմէն ներս,
- Հայաստանի տարածքային ամբողջականութիւնը անձեռնմխելի է,
- Հայաստանի պետականութիւնը անսակարկելի արժէք է,
- Հայոց Ցեղասպանութեան միջազգային եւ Թուրքիոյ կողմէ ճանաչումը եւ անոր հետեւանքներուն վերացումը (այնպէս ինչպէս բանաձեւուած է Ցեղասպանութեան 100ամեակի Ծիծեռնակաբերդի յայտարարագրով), Արցախի հողային ամբողջականութիւնն ու ինքնիշխանութիւնը եւ Հայ Դատի պահանջատիրութեան ամբողջական թղթածրարը կը մնան մեր յարատեւ ու աննահանջ պայքարի անզիջելի թիրախները:
ՀՅԴ Արեւմտեան Ամերիկայի Կեդրոնական Կոմիտէ
6 Յուլիս 2022
Կլենտէյլ
