Պ.գ.թ., թիւրքագէտ Վարուժան Գեղամեանը գրում է
«Վերջին 10 օրուայ ընթացքում Ադրբեջանի նախագահ Ի. Ալիեւը առնուազն երկու նոր պահանջ է հնչեցրել, որոնց բաւարարումը «պարտադիր է խաղաղութեան պայմանագիր կնքելու համար»։
Առաջինն այսպէս կոչուած «Խոջալուի ցեղասպանութեան» ճանաչումն է, միւսը՝ ՀՀ սահմանադրութեան փոփոխութիւնը։ Այս պահանջների կատարման հետեւանքները ոչ միայն իրաւական դաշտում են լինելու, այլ ունենալու են ուղղակի աղէտալի ազդեցութիւն մեր բոլորի կեանքի վրայ։ Բոլորի։
Բայց սա, ինչպէս ասում են, դեռ ամէնը չէ։
Ինչպէս բազմիցս նշել եմ՝ Ադրբեջանն ու Թուրքիան ունեն անվերջանալի պահանջներ, որոնք անդադար առաջադրուելու են մէզ՝ «խաղաղութեան պայմանագրի» խայծի դիմաց։ Պայմանագիր չի լինելու, փոխարէնն անընդհատ առաջանալու են նոր պահանջներ՝ ամէն յաջորդն աւելի ծայրահեղ ու աղէտալի։
Այս ամէնը կարելի է կանգնացնել ու փոխել ընթացքը։ Դրա այս պահին միակ ձեւը՝ յունիսի 9-ի մեծ հանրահաւաքն է»։
