«Հայոց ցեղասպանութիւն» եզրոյթի եթերում հեռարձակման համար Ստամբուլից հեռարձակուող Açık Radyo-ն դատարանի որոշմամբ կը կասեցնի իր գործունէութիւնը:
Թուրքիայի վարչական դատարանը Ստամբուլից հեռաձակուող «Açık Radyo»-ի գործունէութեան դադարեցման մասին որոշում է կայացրել:
«Açık Radyo»-ն տարածած յայտարարութեան մէջ նշել է, որ իր գործունէութիւնը կը դադարեցնի մինչեւ վարչական դատարանը նոր որոշում ունենայ:
Յիշեցնենք, որ Թուրքիայի «ռադիօյի եւ հեռոստատեսութեան բարձրագոյն խորհրդի» (RTÜK) կողմից «Հայոց ցեղասպանութիւն» եզրոյթի եթերում հեռարձակման համար «Açık Radyo»-ն նախ տուգանուել էր եւ ենթարկուել պատժի՝ զրկուելով 5 օր հեռարձակման իրաւունքից, ապա զրկուել հեռարձակման իրաւունքի լիցենզիայից:
Չնայած RTÜK-ի որոշումներին ռադիօն յայտարարել էր հեռարձակումը շարունակելու եւ տեղի ունեցածին իրաւական լուծում տալու մասին: Նոյնիսկ ռադիոյի օգտին մի շարք լրագրողներ եւ քաղաքական գործիչներ ստորագրահաւաք էին սկսել՝ RTÜK-ի որոշումը որակելով ոչ իրաւաչափ:
