ՀՅԴ Արևմտեան ԱՄՆի 58րդ Շրջանային Ժողովի բացումը տեղի ունեցաւ Յունիս 28ի երեկոյեան ժամը 8ին Մոնթէ Բէլլոյի Հայ Կենտրոնում:
Ժողովի բացման ներկայ էին Արևմտեան Ամերիկայի բոլոր շրջանների պատուիրակութիւնները, ՀՅԴ Բիւրոյի ներկայացուցիչներ և ներկայացուցիչներ ԱՄՆ Արևելեան և Քանադայի շրջաններից:
Շրջանային ժողովը հիմնականում զբաղուելու է Արևմտեան շրջանի յաջորդ երկու տարիների ռազմավարական հարցերի քննարկմամբ և որոշումներ է կայացնելու շրջանի ազգային, քաղաքական և հասարակական տարբեր բնագաւառների կապակցութեամբ: Շրջանային ժողովը նաև ընտրելու է Արևմտեան Ամերիկայի նոր կենտրոնական կոմիտէի կազմը:
