Պաքուի մէջ ապօրինաբար կալանքի տակ պահուող 15 անձ կը մեղադրուի «զինուորական յանցագործութիւններ»-ու վերաբերեալ գործի 2548 կէտով: Այս մասին կը հաղորդեն ազրպէյճանական լրատուամիջոցները:
Խօսքը կը վերաբերի բռնագրաւուած Արցախի Հանրապետութեան նախկին նախագահներ Արկադի Ղուկասեանի, Արայիկ Յարութիւնեանի, Բակօ Սահակեանի, Ազգային ժողովի նախկին նախագահ Դաւիթ Իշխանեանի, արտաքին գործոց նախկին նախարար Դաւիթ Բաբայեանի, զօրավարներ Լեւոն Մնացականեանի, Դաւիթ Մանուկեանի, ինչպէս նաեւ Գարիկ Մարտիրոսեանի, Մելիքսէթ Փաշայեանի, Դաւիթ Ալավերտեանի, Գուրգէն Ստեփանեանի, Լեւոն Բալայեանի, Մատաթ Բաբայեանի, Վասիլի Բեգլարեանի եւ Էրիք Ղազարեանի:
Քրէական գործով մեղադրական եզրակացութիւնը հաստատուած է Ազրպէյճանի ընդհանուր դատախազին կողմէ 16 դեկտեմբեր 2024-ին եւ ուղարկուած Պաքուի զինուորական դատարան` հետագայ քննարկման համար:
