Օգօստոսի 23-ին Արցախի խորհրդարանական հինգ ուժերի ղեկավարները հանդիպել են Ռուսաստանի Դաշնութեան խաղաղապահ զօրախմբի հրամանատարութեան հետ։
Հանդիպման առիթ է դարձել Հայաստանում ՌԴ դեսպան-խորհրդական Մաքսիմ Սելէզնեօվի վերջին յայտարարութիւնը, ինչպէս նաեւ Ադրբեջանի կողմից հրադադարի հերթական խախտումը եւ անվտանգութեան խնդիրները, որոնք ծագել են օգոստոսի սկզբին։
Վերոնշեալ հարցերի շուրջ հանդիպման ժամանակ բացատրութիւններ են տւել Ռուսաստանի Դաշնութեան խաղաղապահ զօրախմբի պատասխանատուները։ Մասնաւորապէս, անդրադառնալով 2020 թւականի նոյեմբերի 9-ի եռակողմ յայտարարութեանը, նշւել է, որ նոր երթուղին կ’ունենայ նոյն միջանցքի իրաւական կարգավիճակ, եւ անվտանգութեան բոլոր բաղադրիչները կը պահպանւէն՝ սկսած 5 կմ անվտանգութեան գօտուց եւ վերջացրած Ռուսաստանի խաղաղապահ ուժերի համար անցակէտէրի տեղակայումով։
Անդրադառնալով վերջին իրադարձութիւններին՝ ռուսական խաղաղապահ զօրախմբի հրամանատարութիւնը նշել է, որ իրենք անհրաժեշտ եզրակացութիւններ են արել օգոստոսեան իրադարձութիւնների հետ կապւած՝ միաժամանակ վստահեցնելով, որ լրացուցիչ ջանքեր կը գործադրէն յետագայում նման խախտումները կանխելու եւ Արցախի բնակչութեան համար պատշաճ անվտանգութիւն ապահովելու համար։
Արցախի խորհրդարանում ՀՅԴ խմբակցութեան ղեկավար Արթուր Մոսիեանը նաեւ հանդիպման այլ մանրամասներ ներկայացրեց։
«Սեպտեմբերի 1-ից մինչեւ Լաչինի միջանցքի նոր երթուղու շահագործման ժամկէտը, կը գործի ժամանակաւոր գրունտային ճանապարհ։ Խաղաղապահները մէզ վստահեցրել են, որ ամէն ինչ կանէն Արցախի ժողովրդի անվտանգութիւնն ապահովելու համար, ինչը միշտ չէ, որ յաջողւում է անել»,- News.am-ի թղթակցի հետ զրոյցում ասաց պատգամաւորը։
Մոսիեանը համոզմունք յայտնեց, որ Փաշինեանը բազմաթիւ պայմանաւորւածութիւններ է ձեռք բերել ոչ միայն Արցախի, այլեւ Հայաստանի հարցում, ինչի մասին, ըստ նրա, վկայում են վերջին 1,5 տարւայ իրադարձութիւնները։
«Այն, որ Ադրբեջանը Լաչինի միջանցքով կառուցել է նոր ճանապարհի իր մասը, Փաշինեանի պայմանաւորւածութիւնների հետեւանքն է։ Ղարաբաղում վերջին սրացումները Փաշինեանի եւ նրա ռեժիմի գործունէութեան արդիւնքն են»,- ասաց խմբակցութեան ղեկավարը։
Պատգամաւորը կոչ արեց Փաշինեանին անեապաղ բացայայտել իր բոլոր պայմանաւորւածութիւնների մանրամասները, քանի որ, նրա գնահատմամբ, բոլոր սրացումները կապւած են այդ բանաւոր պայմանաւորւածութիւնների ու ընկալումների հետ։
