«Երբ ընդդիմութիւնը հանրահաւաքներին վտանգների մասին բարձրաձայնում էր շատերն այդ ժամանակ հարցի խորութիւնը չէին էլ գիտակցում։ Չի եղել որեւէ հարց, որի վերաբերեալ «Դիմադրութիւն» շարժումը, ընդդիմութիւնը, խորհրդարանական 2 ընդդիմադիր խմբակցութիւնները վերաբերմունք արտայայտած չլինէն, քայլեր ու գործողութիւններ ձեռնարկած չլինէն։ Առհասարակ նոյեմբերի 9-ից յետոյ ամէն օր ասում ենք, որ այս մարդը քանի օր աւել մնա իշխանութեան, այդքան կորուստ ենք ունենալու։ Հիմա էլ, եթէ չհեռացնենք նոյն խօսակցութիւնը լինելու է Տիգրանաշենի, Տաւուշի գիւղերի մասով։ Այսօր գլխաւոր խնդիրն այն է, որ Արցախը հայաթափւում է, մէկ տարի առաջ խօսում էինք այդ խնդրի մասին»,- Հանարապետութեան հրապարակում Էդգար Ղազարեանի հրաւիրած հանրահաւաքի մեկնարկին լրագրողների հետ զրոյցում ասաց ՀՅԴ ԳՄ ներկայացուցիչ, ՀՀ ԱԺ «Հայստան» խմբակցութեան պատգամաւոր Իշխան Սաղաթելեանը։
«Դիմադրութիւն» շարժման անելիքների մասին հարցին ի պատասխան նա նշեց․ «Սեպտեմբերի 2-ին, Արցախի անկախութեան օրուայ առթիւ, տեղի են ունենալու հանրահաւաքներ՝ Սփիւռքում, Արցախում, Հայաստանում»։ Ինչ վերաբերւում է՝ Էդգար Ղազարեանի նախաձեռնած այսօրուայ հանրահաւաքին Իշխան Սաղաթելեանն ասաց․ «Նիկոլ Փաշինեանի հրաժարկանի պահանջով կայ նշանակուած հանրահաւաք, մենք յայտարարել ենք, որ ցանկացած ուժ, ցանկացած ոք, եթէ ազնիւ, արդար պայքար սկսի այս իշխանութեան դէմ ամէն ինչով աջակցելու ենք»,-ասաց նա։
Նա նշեց, որ «Հայաստան» դաշինքի տարբեր ներկայացուցիչներ մասնակցում են հանրահաւաքին։
Մանրամասն՝ տեսանիւթում։
