Այսօր, երբ Հայաստանը, Արցախն ու Սփիւռքը առաւել քան երբեւէ համախմբուելու եւ մեր պետականութեանն ու Հայրենիքին նետուած օրհասական, անվտանգային եւ գոյութենական սպառնալիքները համահայկական ներուժով կանխելու մարտահրաւէրի առջեւ են կանգնած, ապազգային իշխանութիւնները շարունակում են ներազգային պառակտումը խորացնելու եւ ազգային դիմադրողականութիւնը գիտակցուած եւ ծրագրաւորուած թուլացնելու աղէտաբեր քաղաքականութիւնը։
Թիրախում Դաշնակցութեան համազգային կառոյցն է, Հաեօց պետականութեան հիմնադիր քաղաքական ուժը, որի պատմութեան իւրաքանչիւր էջը հայ ժողովրդին եւ մեր ազգային իդէալներին ծառայութեան եւ նուիրումի պատմութիւն է։
Ապազգային եւ օտարածին օրակարգերով առաջնորդուող, մեր հաւաքական շահերն ու Հաեօց պետականութեան ապագան հարցականի տակ դնող իշխանութիւնները կանգ չէն առնում անգամ քաղաքականօրէն կարճամիտ եւ ապօրինի գործողութիւնների առջեւ։
Քաղաքական բռնաճնշումների, ազգային գաղափարախօսութեան, ազգային արժէքների եւ ինստիտուտների, բարոյական կոդերի դէմ վարչախմբի պայքարը վաղուց հատել է բոլոր կարմիր գծերը։
Վերջին մի քանի օրերի ընթացքում ՀՀ մուտք գործելու իրաւունքից զրկուել եւ անցանկալի անձինք են յայտարարուել ՀՅԴ երեք ներկայացուցիչներ՝ ՀՅԴ Բիւրոյի անդամ, Ֆրանսիայի հայկական կազմակերպութիւնների համակարգող Մուրադ Փափազեանը, ՀՅԴ Նիդեռլանդների Հայ Դատի ատենապետ Մասիս Աբրահամեանը եւ «Գարեգին Նժդեհ» երիտասարդական միութեան անդամ Սիւնէ Աբրահամեանը։
ՀՅԴ Հայաստանի Գերագոյն Մարմինը դատապարտում է ՀՀ իշխանութիւնների կողմից որդեգրուած քաղաքական հաշուեյարդարի, ազգային պառակտումի եւ հայրենազրկումի որդեդրուած քաղաքականութիւնը, այն դիտարկում է օրուայ իշխանութիւնների՝ օտար օրակարգերն ու շահերը անուէրապահ ապասարկելու հերթական դրսեւորում։ Միաժամանակ, ամենան վստահութեամբ, յայտարարում ենք, որ այսպիսի դրեւորումները դատապարտուած են ձախողման, իսկ ՀՅԴ-ն չի նախանջելու իր սկզբունքներից եւ քաղաքական հաւատամքից, անելու ենք հնարաւորը, որ երկրում հաստատուի Հաեօց պետականութեանն ու համազգային շահերին ծառայող իշխանութիւն։
ՀՅԴ Հայաստանի Գերագոյն մարմին
1․08․2022
