Մենք միասին ճանապարհ ենք անցել, գնահատում եւ արժեւորում ենք այդ անցած ճանապարհը, բայց իւրաքանչիւրն ինքն է որոշում իր քաղաքական գիծը, մենք մի նպատակ ունենք եւ ամէն մէկս ունի այդ նպատակին հասնելու ճանապարհային իր քարտէզը: «Փաստինֆոյ»-ի հետ զրոյցում ասաց ԱԺ փոխնախագահ, «Հայաստան» դաշինքի անդամ Իշխան Սաղաթելեանը՝ անդրադառնալով Արթուր Վանեցեանի՝ մանդատը վայր դնելու որոշմանը:
Իշխան Սաղաթելեանը յայտարարեց, որ «Հայաստան» խմբակցութիւնը մանդատներ դնելու հարց չի քննարկում.
««Դիմադրութեան» շարժումը իր յայտարարած ծրագրով, փողոցային պայքարը շարունակելու է»,-ասաց նա:
Յիշեցնենք, որ քիչ առաջ ընդդիմադիր «Պատիւ ունեմ» խմբակցութեան ղեկավար Արթուր Վանեցեանը յայտարարեց, որ դիմում է ներկայացրել պատգամաւորական մանդատը վայր դնելու վերաբերեալ, դադարեցւում է նաեւ ՀՀԿ-ի հետ մեր ձեւաւորած «Պատիւ ունեմ» դաշինքի գործունէութիւնը:
Յիշեցնենք, որ դեռեւս 2022 թուականի ապրիլի 17-ին, դնելով փողոցային պայքարի հիմքը, Արթուր Վանեցեանը յայտարարել էր, որ ինքն այլեւս չի պատկերացնում իր գործունէութիւնն այս գումարման ԱԺ-ում։
