Հայ Օգնութեան Միութեան Կենտրոնական Վարչութեան անդամ Համեստ Սասունեանի այցը Ռուսաստանի Դաշնութիւն նշանաւորուեց մի շարք հանդիպումներով եւ միջոցառումներով, որոնցից առաւել յատկանշական էին Հայ առաքելական Սուրբ Եկեղեցու Ռուսաստանի եւ Նոր Նախիջեւանի թեմի առաջնորդ Եզրաս սրբազանի հետ հանդիպումը, Մոսկուայի հայկական բարեսիրական կազմակերպութիւնների ներկայացուցիչների հետ քննարկումն ու քոյր եւ ուղեկից միութիւնների ներկայացուցիչների հետ հանդիպումները։
Այցի շրջանակներում ընկերուհի Համեստ Սասունեանը ՀՕՄ ՌԿ վարչութեան անդամների մասնակցութեամբ հանդիպումներ ունեցաւ նաեւ Հայ Դատի Մոսկուայի գրասենեակի եւ ՀՅԴ ՌԴ Պատասխանատու մարմնի ներկայացուցիչների հետ՝ ներկայացնելով ՀՕՄ ՌԿ առաջիկայ ծրագրերն ու համագործակցութեան հնարաւորութիւնները։
Ընկերուհի Համեստ Սասունեանը այցի ընթացքում յատուկ ուշադրութեան արժանացրեց ՀՕՄ ՌԿ կազմակերպական կարողութիւնների զարգացման եւ բարեսիրական ցանցի ընդլայնման հարցերը։ Որոշուեց շարունակել նմանատիպ այցելութիւնները եւ յատուկ ուշադրութիւն դարձնել փորձի փոխանակմանն ու գործընկերային կապերի զարգացմանը։
