Մոսկուան կարծում է, որ հէնց որ Երեւանը պատրաստ լինի, ապա կարելի է վերադառնալ Հայաստանում ՀԱՊԿ-ի առաքելութեան տեղակայման վերաբերեալ կոնկրէտ եղանակների, մանրամասների ամրագրման առարկայական աշխատանքին։ Այս մասին ամենշաբաթեայ ճեպազրոյցում յայտարարել է ՌԴ ԱԳՆ պաշտօնական ներկայացուցիչ Մարիայ Զախարովան։
Նա նաեւ մէջբերել է ՌԴ ԱԳ նախարար Սերգեյ Լաւրովի խօսքը՝ յիշեցնելով, որ «ռուսական կողմը գոհ է, որ Հայաստանը շահագրգռուած է ՀԱՊԿ-ի խաղաղապահներին ընդունելու հարցում»։
«Ինչ վերաբերում է առաքելութեան տեղակայման ստոյգ ժամկէտներին, ապա այս հարցը պէտք է ուղղել Երեւանին, քանի որ առաքելութիւնը գործելու է Հայաստանի տարածքում»,- ասել է Զախարովան։
