2023 թուականի մարտի 31-ին, Լոս Անջելեսի մարզի Medi-Cal նպաստներ ստացող բնակիչների համար COVID-19 Հանրային առողջապահութեան արտակարգ իրավիճակների պաշտպանութեան աւարտին ակնկալելով, Հասարակական Սոցիալական Ծառայութիւնների Վարչութիւնը (DPSS) խնդրում է յաճախորդներին թարմացնել իրենց կոնտակտային տուեալները, որպէսզի օգնէն պահպանել իրենց ապահովագրութիւնը ակտիւ:
Medi-Cal — Medicaid-ի Կալիֆորնիայի տարբերակը — տրամադրում է անվճար կամ էժան առողջապահութիւն 3,7 միլիոն Լոս Անջելեսի մարզի բնակիչների, ովքեր ունեն սահմանափակ եկամուտ եւ ռեսուրսներ:
Անցեալ տարեվերջին Կոնգրեսն ընդունեց 2023 թուականի Համախմբուած յատկացումների ակտը, որը աւարտում է COVID 19 Հանրային առողջապահութեան արտակարգ դրութիւնը 2023 թուականի մարտի 31-ին: Այս ակցիան նաեւ վերջ դրեց բժշկական ապահովագրութեան անխափան պաշտպանութեանը, որը գործում էր համաճարակի ժամանակ։
Medi-Cal-ի բժշկական ապահովագրութիւնը չի աւարտուի մարտի 31-ին: Յաջորդ 12 ամիսների ընթացքում DPSS-ը կուերագնահատի իւրաքանչիւր դէպք՝ ծրագրին համապատասխանութիւնը որոշելու համար: Հետեւաբար, Medi-Cal-ի շայառուները պէտք է համոզուէն, որ մենք ունենք իրենց ամենաարդի կոնտակտային տուեալները, ներառեալ անունները, հասցէները, հեռախօսահամարները եւ էլեկտրոնային հասցէները:
Այս ընթացքում շայառուները ԱՄՆ-ի փոստով կը ստանան նորացման թերթիկ: Ձեւը պէտք է լրացուի եւ հնարաւորինս շուտ վերադարձուի տրամադրուած կանխավճարուած վերադարձի ծրարով:
Ձեւը կարող է ներկայացուել նաեւ առցանց, անձամբ կամ հեռախօսով:
Լրացուցիչ տեղեկութիւնների համար այցելէք Առողջապահութեան վարչութեան՝ Պահպանեք ձեր ապահովագրութիւնը էջը կամ այցելէք DPSS կայքը:
