ԱԳ Նախարար Հոսէյն Ամիր Աբդօլլահեանն այսօր՝ սեպտեմբերի 14-ին, ԻԻՀ-ում ՌԴ դեսպան Լեւոն Ջաղարեանի հետ հանդիպման ընթացքում, ով աւարտում է իր դիւանագիտական առաքելութիւնն Իրանում, նշել է, որ Թեհրանը չի հանդուրժի տարածաշրջանի աշխարհաքաղաքական քարտէզի որեւէ փոփոխութիւն, հաղորդում է ԻՌՆԱ-ն:
Իրանի Իսլ. Հանրապետութիւն Ռուսաստանի արտակարգ եւ լիազօր դեսպան Լեւոն Ջաղարեանի հետ հանդիպմանն ԱԳ Նախարարը շնորհակալութիւն է յայտնել ՌԴ դեսպանին դիւանագիտական առաքելութեան կատարման վերաբերեալ, որն նրա հաւաստիացմամբ՝ նպաստել Իրանի եւ Ռուսաստանի միջեւ յարաբերութիւնների խորացմանն ու ընդլայնմանը, մասնաւորապէս՝ կողմերի միջեւ երկարատեւ համագործակցութեան համաձայնագրի ձեւաւորման համար անհրաժեշտ մթնոլորտի առաջցմանը:
Մերժելով՝ ռազմական ճանապարհն, որպէս Ադրբեջանի եւ Հայաստանի միջեւ խնդիրների կարգաւորման լուծում դիտարկելը, Նախարարը շեշտել է, որ Իրանի համար ընդունելի չէ աշխարհաքաղաքական քարտէզի որեւէ փոփոխութիւն: Նա նաեւ կարեւորել է խաղաղութեան հաստատման ուղղութեամբ բազմակողմանի ջանքերի գործադրումը:
